قازاقستان مەن قىتاي اراسىندا قۇپيا كەلىسىم جوق - جەڭىس قاسىمبەك

نۇر- سۇلتان. قازاقپارات - قازاقستان مەن قىتاي اراسىندا قۇپيا كەلىسىم جوق. بۇل تۋرالى ق ر پرەمەر- ءمينيسترىنىڭ ورىنباسارى جەڭىس قاسىمبەك ايتتى، دەپ حابارلايدى قازاقپارات ءتىلشىسى.

«2015 -جىلى ۇكىمەتارالىق كەلىسىم (قازاقستان مەن قىتاي اراسىندا - رە د. ) بەكىتىلدى. بۇل كەلىسىم «ادىلەت» پورتالىندا جاريالانعان، ونى كەز كەلگەن ادام وقىپ بىلە الادى. كەلىسىمدە قاي سالالاردا ىنتىماقتاستىق ورناتىلىپ، قاي سالالارعا باسىمدىق بەرىلەتىنى جازىلعان. شيكىزاتتىق ءوندىرىس، حيميا، كولىك جانە لوگيستيكا، ەنەرگەتيكا سالالارى قاراستىرىلعان. مۇندا ەش قۇپيا جوق» ، - دەدى جەڭىس قاسىمبەك ۇكىمەت ۇيىندەگى باسپا ءسوز ءماسليحاتىندا جۋرناليست سۇراعىنا بەرگەن جاۋابىندا.

ۆيتسە- پرەمەر قىتايدان ەسكىرگەن، لاس ونىدىرىستەر اۋىستىرىلادى دەگەن اقپاراتتى تەرىسكە شىعاردى. بارلىق جاڭا كاسىپورىندار قازاقستاندىق ستاندارتتارعا ساي بولادى.

سونىمەن بىرگە، يندۋستريالاندىرۋ جونىندەگى مەملەكەتتىك باعدارلاما اياسىندا جوسپارلانعان بىرلەسكەن 55 جوبانىڭ بىرەۋىنە عانا مەملەكەتتىك كەپىلدىك بەرىلگەن. ول - نۇر- سۇلتان قالاسىنداعى «ل ر ت» جوباسى. «سامۇرىق- قازىنا» ءال- اۋقات قورى مەن وزگە دە ينستيتۋتتار قاتىساتىن جوبالارعا مەملەكەت كەپىلدىك بەرمەيدى.