اۆياتسيا كوميتەتى ۇشاق بيلەتىنىڭ باعاسىن تومەندەتۋ ءۇشىن نە ىستەمەك
قازىرگى ۋاقىتتا ق ر ي ي د م ازاماتتىق اۆياتسيا كوميتەتى ءبىرقاتار شارالاردى قولعا الىپ، العا قويىلعان ماقساتتارعا جەتۋ ءۇشىن ءتيىستى ءىس- شارالار جوسپارىن ازىرلەۋدە. بۇل جونىندە مينيسترلىكتىڭ باسپا ءسوز قىزمەتىنە سىلتەمە جاساپ قازاقپارات حابارلايدى.
مينيسترلىك اۆيابيلەتتىڭ وزىندىك قۇنى قانداي كورسەتكىشتەردەن قۇرالاتىنىن ايتىپ بەردى. باعانىڭ ەداۋىر بولىگى اۆياوتىننىڭ قۇنىنان شىعادى - بۇل شامامەن %32، سونداي- اق اۋە تەحنيكاسىن پايدالانۋ، اۋە كەمەلەرىن جالعا العانى ءۇشىن تولەمدەر جانە تاعى باسقا ەلەۋلى شىعىنداردىڭ دا ۇلەسى بارشىلىق.
«اۆياتسيالىق وتىنعا قاتىستى ايتارىمىز، قازاقستاندا بارلىق ءۇش ءموز اياقتالعاننان كەيىن، ەلىمىز سىرتتان تاسىمالداناتىن كەروسين يمپورتىنا تاۋەلدى بولماي قالدى. بۇل وتىن باعاسىنىڭ 95 دوللارعا دەيىن تومەندەۋىنە بىردەن اسەر ەتتى. بۇدان ءارى قازاقستان باعانى تومەندەتۋ، ونىڭ ىشىندە شەتەلدىك تاسىمالداۋشىلار ءۇشىن ققس ازايتۋ جولدارىن ىزدەستىرۋدى جالعاستىرۋدى جوسپارلاپ وتىر» دەلىنگەن حابارلامادا.
كوميتەتكە ەۋروپا ىشىندەگى ۇشۋدى مىسالعا كەلتىرە وتىرىپ، ىشكى رەيستەرگە اۆيابيلەتتەردىڭ جوعارى قۇنى تۋرالى سۇراقتار ءجيى كەلىپ تۇسۋدە. الايدا، قازاقستاننىڭ ىشكى نارىعىن ە و- نان ايتارلىقتاي ەرەكشەلەنەتىن ءبىرقاتار فاكتورلار بار. اتاپ ايتقاندا، بۇل نارىقتىڭ تىعىزدىعى، اۋەكومپانيا ويىنشىلارىنىڭ سانى، ەۋروپادا ءبىزدىڭ ەلگە قاراعاندا لوۋكوستەرلەر سانىنىڭ ەداۋىر ارتىق ەكەندىگى، بۇل فاكتورلار سالاۋاتتى باسەكەلەستىككە جانە اۆيابيلەتتەر قۇنىنىڭ تومەندەۋىنە ىقپال ەتەدى.
«ءبىراق، ايتا كەتۋ كەرەك، قازاقستان قالالارى اراسىندا ۇلكەن اۋماقتار مەن قاشىقتىقتار بار جانە ەۋروپاعا قاراعاندا حالىقتىڭ تىعىزدىعى تومەن. سوندىقتان، كيلومەتراج بويىنشا ۇقساس اۆيامارشرۋتتاردى تالداۋ كەزىندە مىناداي قورىتىندى جاساۋعا بولادى. مىسالى، نۇر- سۇلتان- الماتى باعىتى بويىنشا بيلەت قۇنى 22 مىڭ تەڭگەدەن باستالادى. پاريج- ريم ەۋروپاداعى قاشىقتىق بويىنشا ۇقساس باعىت، دوللارلىق بالاماداعى بيلەت قۇنى ەكى ەسە اسادى. ارينە، ە و- دا ۇشۋ كەزىندە 30-40 مينۋتتان اسپايتىن قىسقا باعىتتار كوپ، بۇل سوعان سايكەس بيلەت باعاسىنا دا اسەر ەتەدى» دەپ ءمالىم ەتتى مينيسترلىك.
وسىعان قاراماستان، كوپتەگەن كورسەتكىشتەر بويىنشا، بۇگىندە قازاقستاندا اۆياۇشۋلار باسقا ەلدەرمەن، اتاپ ايتقاندا ەۋروپا ەلدەرىمەن سالىستىرعاندا باعا بويىنشا باسەكەگە وتە قابىلەتتى.
