تەحنيكالىق بايقاۋ ورتالىقتارىنىڭ جۇمىستارىنا وزگەرىستەر ەنگىزىلمەك
نۇر-سۇلتان. قازاقپارات - ق ر يندۋستريا جانە ينفراقۇرىلىمدىق دامۋ مينيسترلىگى تەحنيكالىق بايقاۋ ەرەجەلەرىنە وزگەرىستەر ەنگىزبەك، دەپ حابارلايدى قازاقپارات.
مينيسترلىكتىڭ باسپا ءسوز قىزمەتىنىڭ حابارلاۋىنشا، تەحنيكالىق بايقاۋ ورتالىقتارىندا ورناتىلعان جابدىقتارعا سايكەس كەلەتىن مامانداندىرىلعان باعدارلامالىق قامتاماسىز ەتۋگە قويىلاتىن تالاپتار ازىرلەندى.
«تەحنيكالىق بايقاۋ ورتالىقتارىندا ورناتىلعان وسى باعدارلامالاردىڭ ارقاسىندا باقىلاۋ-دياگنوستيكالىق قۇرالدار ارقىلى كورسەتكىشتەردىڭ ناتيجەلەرى بەلگىلى بولادى، ونىڭ قورىتىندىسى بويىنشا دياگنوستيكالىق كارتا بەرىلەدى. قازىرگى تاڭداعى بارلىق بۇزىلۋلار فوتوشوپتار بولىپ تابىلادى، اۆتوموبيلدىڭ ءوزىن ۇسىنباي تەحنيكالىق بايقاۋدى وتكىزۋ، وسى باعدارلامالاردىڭ بەلگىلى ءبىر تالاپتارعا سايكەس كەلمەۋىنەن تۋىندايدى. جاڭا تالاپتاردا تەحنيكالىق بايقاۋ ناتيجەلەرىن قولمەن ەنگىزۋدى بولدىرمايتىن بارلىق نيۋانستار كوزدەلگەن. جاڭا تالاپتار بويىنشا تەحنيكالىق بايقاۋدى وتكىزۋ ۇدەرىسى جاقسارادى، سونداي-اق ونىڭ ساپاسى ارتادى»، - دەلىنگەن حابارلامادا.
ناقتىلاپ ايتقاندا، تەحنيكالىق بايقاۋعا قاتىستى ق ر زاڭناماسىنداعى سوڭعى وزگەرىستەرگە بايلانىستى، بايقاۋدان ءوتۋ ءراسىمى بۇرىنعىداي قالدى. وزگەرىستەر تەك باعدارلامالىق قامتاماسىز ەتۋدىڭ تەحنيكالىق بولىگىنە عانا قاتىستى بولدى، ونىڭ ماقساتى اۆتوموبيلدەردى تەكسەرۋ ساپاسىن جانە دياگنوستيكالىق باقىلاۋ جابدىقتارىنان بەرىلەتىن مالىمەتتەردىڭ دۇرىستىعىن جاقسارتۋ بولىپ تابىلادى.
كولىكتىڭ جاڭا يەسى تۋرالى دەرەكتەردى جاڭارتۋ ءۇشىن www.eisto.kz سايتىنا ءوتۋ جانە NC قايتا تىركەۋ راسىمىنەن ءوتۋ قاجەت. جوعارىدا كورسەتىلگەن سايت تاراپىنان تەحنيكالىق قاتەلەر تۋىنداعان جاعدايدا 1414 ءنومىرى بويىنشا حابارلاسۋعا بولادى.
