تەمىر جول بيلەتىن ساتۋدى رەتتەيتىن نورما ەنگىزىلەدى

بۇل تۋرالى ق ر پرەمەر-ءمينيسترىنىڭ ورىنباسارى جەڭىس قاسىمبەك ءمالىم ەتتى، دەپ حابارلايدى قازاقپارات ءتىلشىسى.

«جولداۋدا ايتىلعان ماسەلەلەردىڭ ءبىرى اۋە بيلەتتەرىنە قاتىستى بولدى. بۇگىنگى تاريفتەردىڭ قۇنىن ءتۇسىرۋ ماقساتىندا وسى جىلدىڭ 1 -مامىرىندا ءبىرىنشى وتاندىق تومەن بيۋدجەتتى  «فلاي ارىستان» تاسىمالداۋشى جۇمىسىن باستادى. وسى جىلدىڭ سوڭىندا  «فلاي ارىستان» ورىندايتىن رەيستەر سانىن كۇنىنە 14 تەن 28 جيىلىككە دەيىن ارتتىرۋ جوسپارلاندى. سونىمەن قاتار  «سامۇرىق- قازىنا» ءال-اۋقات قورى» ا ق-پەن بىرىگە وتىرىپ ۇكىمەت اۋە كەمەلەرىنىڭ پاركىن ۇلعايتۋ ماقساتىندا «ەير استانا» جانە «قازاق ەير» اۋە كومپانيالارىن قوسىمشا كاپيتالداندىرۋدى كوزدەپ وتىر»، - دەدى ول بۇگىن مەملەكەت باسشىسىنىڭ قازاقستان حالقىنا جولداۋىن تالقىلاۋعا ارنالعان ۇكىمەت وتىرىسىندا.

ۆيتسە-پرەمەر تەمىر جول بيلەتتەرىنىڭ تاپشىلىعى ماسەلەسىنە دە توقتالدى.

«تەمىر جول بيلەتتەرى جەتىسپەۋشىلىگىنىڭ الدىن الۋ ماقساتىندا بيلەتتەردى ساتۋدى سيفرلاندىرۋ جۇرگىزىلىپ جاتىر. بيلەتتەردى ساتۋدى رەتتەيتىن نورما ەنگىزىلەدى جانە وسى جىلدان باستاپ «قازاقستان تەمىر جولى» كومپانياسى 100 دەن استام جاڭا جولاۋشىلار ۆاگونىن الادى»، - دەدى جەڭىس قاسىمبەك.

اۆتور: مارلان جيەمباي