قىزمەتكەرىن تەپكەن ارقالىق قالاسىنىڭ پوليتسيا باستىعى قىزمەتىنەن شەتتەتىلدى
Facebook قولدانۋشىسى سەرىك تولەكبايەۆ جاريالاعان ۆيدەودا ارقالىق قالاسى پوليتسيا باسقارماسى باستىعى جەڭىس احمەتوۆتىڭ قىزمەتكەرىن تەپكەن ءساتى تاسپاعا ءتۇسىپ قالعان. سەرىك تولەكبايەۆتىڭ جازۋىنشا، باسشى تاراپىنان جاسالعان مۇنداي ورەسكەل قىلىق بۇعان دەيىن دە بولعان.
قوستاناي وبلىسى پوليتسيا باسقارماسى باستىعىنىڭ ب ا ق-پەن بايلانىس جونىندەگى كەڭەسشىسى ەلەنا كاشارينا اتالمىش ۆيدەوعا قاتىستى تۇسىنىك بەردى.
«قازىر ارقالىق قالاسى پوليتسيا باسقارماسىنىڭ باستىعى جەڭىس احمەتوۆكە قاتىستى قىزمەتتىك تەرگەۋ ءجۇرىپ جاتىر. قوستاناي وبلىسى پوليتسيا دەپارتامەنتى باسشىسىنىڭ بۇيرىعىمەن ج. احمەتوۆ قىزمەتىنەن شەتتەتىلدى. وقيعانىڭ ءمان-جايىن انىقتاۋعا پ د باستىعىنىڭ كادر جۇمىسى جونىندەگى ورىنباسارى باسقارعان قىزمەتكەرلەر توبى جۇمىلدىرىلدى»، - دەدى ە. كاشارينا.
اۆتور: قاسقىرباي قويشىمانوۆ
