ءبىلىم ۆيتسە-ءمينيسترى وزىنە تاعىلعان ايىپقا قاتىستى پىكىر ءبىلدىردى
بۇل تۋرالى ول ءوزىنىڭ Facebook پاراقشاسىنا جازدى، دەپ حابارلايدى قازاقپارات.
«بۇعان دەيىن ءبىرقاتار ب ا ق- تا مەنى جانە ارىپتەستەرىمدى سىبايلاس جەمقورلىققا جانە لاۋازىمىن تەرىس ماقساتتا پايدالاندى دەپ ايىپتاعان اقپارات پايدا بولعان. مەملەكەتتىك قىزمەت تۋرالى زاڭنىڭ 52-بابىنا سايكەس، مەملەكەتتىك قىزمەتشىگە كوپشىلىك الدىندا نەگىزسىز ايىپ تاعىلعان جاعدايدا، ول مۇنداي ايىپ تاعىلعان كۇننەن باستاپ ءبىر اي مەرزىمدە تەرىسكە شىعارۋ جونىندە شارالار قولدانىلۋى ءتيىس. ماعان باعىتتالعان تەكسەرۋ اياقتالدى (قۇجاتتى قوسا سالىپ وتىرمىن). سايكەسىنشە، ا. قايىربەكوۆانىڭ ماعان تاققان ايىپتارىنىڭ ءبارى نەگىزسىز»، - دەيدى ۆيتسە-مينيستر.
رۇستەم بيعاري ءوز جازباسىندا وقيعانىڭ قالاي وربىگەنىن قايتادان ەسكە الىپ، ءوزىنىڭ بۇل لاۋازىمعا ورنالاسقان كۇننەن باستاپ قانداي وقيعالاردى باستان وتكەرگەنىن بايانداعان.
«سول كەزدە ءبىز كەمشىلىكتەردى جويۋ جانە اقپاراتتىق قاۋىپسىزدىك تالاپتارىن قامتاماسىز ەتۋ ءۇشىن ۇ ب د ب سىناعىنان ءوتۋ سياقتى تەز، ءتيىمدى جانە شىعىنسىز (مالىمدەلگەن 89 ميلليون تەڭگە ەكى ەسە قىسقارتىلدى) تالداۋ جۇرگىزدىك. مۇنى ىستەۋ وتە ماڭىزدى بولدى، ويتكەنى و د ب- دا ەلدەگى بارلىق بالالار تۋرالى دەربەس دەرەكتەر ساقتالعان جانە ول بوگدە قولدارعا ءتۇسۋى مۇمكىن ەدى. سونىمەن، جوسپار دايىندالىپ، 2018-جىلدىڭ قىركۇيەك ايىندا اكىمشىلىك جۇمىس جانە مەملەكەتتىك ساتىپ الۋ دەپارتامەنتىنە تاپسىرىلدى. الايدا، دەپارتامەنت تالاپ ۇستىنە تالاپ قوسىپ، ءراسىمدى سوزا ءتۇستى»، - دەپ جازدى ول.
مينيسترلىك وكىلى بۇل ايىپتاۋدى «مەديبوپسا» دەپ اتاپ، ءوزىنىڭ قىزمەتتەگى ارەكەتى كەيبىرەۋلەرگە ءتيىمسىز بولعان دەگەن بولجام جاسايدى.
«مۇمكىن، كەيبىرەۋلەرگە اۆتوماتتاندىرۋ پروتسەستەرى مەن ءبىلىم بەرۋ جۇيەسىندەگى اشىقتىق ءتيىمسىز شىعار. بۇل «مەديابوپسانى» جاريالاۋعا ب ا ق وكىلدەرىنىڭ اسىقپاعانىن اتاپ وتكىم كەلەدى»، - دەپ جازدى ۆيتسە-مينيستر.
ەسكە سالساق، رۇستەم ايداربەك ۇلى بيعاري 2018-جىلى ماۋسىمدا ق ر ءبىلىم جانە عىلىم ۆيتسە-ءمينيسترى لاۋازىمىنا تاعايىندالعان بولاتىن.
