الەمدىك نارىقتى جاساندى التىندار جاۋلاپ جاتىر

نۇر-سۇلتان. قازاقپارات -  سوڭعى 3 جىلدا اينالىمعا شۆەيتساريا زاۋىتتارىندا جاسالعان دەگەن جالعان التىن قۇيمالار شىققان. ونىڭ جالپى كولەمى 50 ميلليون دوللاردى قۇرايدى. ءار قۇيمانىڭ قۇنى - 50 مىڭ دوللار. ءتىپتى ولار ايگىلى بانكتەردىڭ قويمالارىنان دا تابىلىپ جاتىر. 

بۇل ماقساتقا ءىرى شۆەيساريالىق كومپانيالاردىڭ جالعان مورلەرىن پايدالانىلعان. شۆەيساريالىق زاۋىت باسشىسى مايكل مەزاريكتىڭ ايتۋىنشا، جاساندى قۇيمالار وتە كاسىبي جاسالىنعان.

 تانىمال كاسىپورىنداردىڭ جالعان مورلەرى بار مۇنداي قۇيمالار زاڭسىز جولمەن الىنعان كىرىستەردى زاڭداستىرۋ جانە التىندى زاڭسىز ساتۋ ءۇشىن شىعارىلىپ كەلدى. جالپى جارتى جىلدا الەمنىڭ ورتالىق بانكتەرى التىن قورىن 374 تونناعا ارتتىرعان. ساراپشىلار الداعى ۋاقىتتا بانكتەر جىلىنا 650 تونناعا دەيىن تازا التىن ساتىپ الادى.

ساراپشىلار اسىرەسە قازاقستان، رەسەي، قىتاي مەن تۇركيانىڭ باعالى تاستى كوپتەپ الۋعا مۇددەلى ەكەنىن ايتىپ وتىر. بۇعان اينالاداعى گەوساياسي احۋال مەن ساۋدا داۋىنىڭ ءورشۋى سەبەپ. قازىر قىتايدىڭ قور جيناۋ بەلسەندىلىگى ايتارلىقتاي.

www.24.kz