ا ق ش- تا قازاق دياسپوراسىنىڭ باسىن قوسقان بيزنەس- فورۋم ءوتتى
ءىس- شارانى «وتانداستار قورى» كەاق مەن ق ر- نىڭ ا ق ش- تاعى ەلشىلىگىنىڭ سان- فرانسيسكو قالاسىنداعى ق ر باس كونسۋلدىعى ۇيىمداستىردى، دەپ حابارلايدى قازاقپارات.
بيزنەس فورۋم قوردىڭ شەت ەلدە تۇراتىن وتانداستارمەن بايلانىستى جاقسارۋ جانە نىعايتۋعا باعىتتالعان باعدارلامانىڭ ءبىر بولىگى. شارانىڭ باستى ماقساتى – ا ق ش- تاعى قازاق دياسپوراسى وكىلدەرىمەن ىسكەرلىك قارىم- قاتىناس ورناتۋ.
«وتانداستار قورى» كەاق پرەزيدەنتىنىڭ كەڭەسشىسى بولات ديدار ءىس- شارا بارىسىندا قور قىزمەتىنىڭ نەگىزگى باعىتتارى، سونداي- اق شەتەلدەگى دياسپورامەن جۇمىس ىستەۋ جونىندەگى قوردىڭ نەگىزگى جوبالارىنىڭ ءبىرى - قازاق مادەني ىسكەرلىك ءۇيىنىڭ قۇرامىنا كىرەتىن ىسكەرلىك ۇيلەرى مەن مادەني ورتالىقتاردىڭ الەم بويىنشا جەلىسىن قۇرۋ جونىندەگى جوسپارمەن تانىستىردى. ونىڭ ايتۋىنشا، ورتالىق قازاق مادەنيەتى مەن داستۇرلەرىنىڭ، ۇلتتىق برەندتەردىڭ، ءتىلدىڭ تاراتۋشىسى بولماق، سونداي- اق قازاقستاندىق ەكسپورتتى، ونىمدەردى تاراتۋعا جاردەمدەسەدى، ناقتى بيزنەس- كەلىسىمشارتتار جاساۋعا قاتىسىپ، سەرىكتەستەردى، قىزىقتى بيزنەس يدەيالار مەن يننوۆاتسيالىق ستارتاپتاردى ىزدەستىرەدى.
بيزنەس- فورۋم بارىسىندا قاتىسۋشىلار ءوزارا ءىس- قيمىلدى، بيزنەس- باستامالاردى ىنتالاندىرۋ مەن ستارتاپتاردى قولداۋ تەتىكتەرىن ەگجەي- تەگجەيلى تالقىلادى. تالقىلاۋ بارىسىندا امەريكالىق نارىق بيزنەسىنىڭ باعىتىن، اتاپ ايتقاندا يننوۆاتسيالىق تەحنولوگيالار جانەIT ستارتاپتارىمەن بايلانىستى جوبالاردىڭ ۇلكەن شوعىرىن، سونىمەن قاتار قازاقستاننان شىققان دارىندىلاردىڭ Apple مەن Google ءتارىزدى الدىڭعى قاتارلى كومپانيالارداعى جۇمىسىن قاپەرگە الىندى.
فورۋم جۇمىسىنا 100 دەن استام ادام قاتىستى. ولاردىڭ اراسىندا «Smart Advisory» ج ش س باسقارۋشى سەرىكتەسى، «QazAngels» ۆەنچۋرلىق قور ديرەكتورى رۋسلان راقىمباي، «ABC- I2BF Seed Fund» يننوۆاتسيالىق ستارتاپتاردى جەتىلدىرۋ بويىنشا ۆەنچۋرلىق قور باسشىسى ءانۋار سەيفۋللين، «Happycake Global» كومپانياسىنىڭ نەگىزىن قالاۋشى جانە ديرەكتورى اسحات سولتانوۆتار دا بار.
فورۋم سوڭىندا «وتانداستار قورى» كەاق پرەزيدەنتىنىڭ كەڭەسشىسى بولات ديدار ا ق ش- تا تۇراتىن وتانداستاردى قوردىڭ قازاق ءۇيىنىڭ ىسكەرلىك جانە مادەني ورتالىعى وكىلدەرىن انىقتاۋعا بەلسەندى قاتىسۋعا، سونداي- اق كەزدەسۋگە قاتىسۋشىلاردى تۇركىستان قالاسىندا وتەتىن وتانداستاردىڭ ءبىرىنشى فورۋمىنا شاقىردى.
ايتا كەتەرلىگى، بۇعان دەيىن ءدال وسىنداي بيزنەس- فورۋم، ماۋسىم جانە شىلدە ايىندا ميۋنحەن مەن ىستانبۇل قالاسىندا وتكەن بولاتىن. الداعى ۋاقىتتا بەيجىڭ قالاسىندا (ق ح ر) ، تاشكەنت (وزبەكستان) پەن لوندوندا ( ۇلىبريتانيا) وتەدى دەپ جوسپارلانعان.
فورۋمدار تۋرالى بارلىق اقپارات قوردىڭ الەۋمەتتىك جەلىلەردەگى رەسمي پاراقشالارىندا بار.
اۆتور: قانات مامەتقازى ۇلى
