نۇرسۇلتان نازاربايەۆ پەن ۆلاديمير پۋتين الداعى كەزدەسۋلەردىڭ كەستەسىن تالقىلادى
نۇر- سۇلتان. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى قازاقپارات ەلباسىنىڭ باسپا ءسوز قىزمەتىنە سىلتەمە جاساپ.
اڭگىمەلەسۋ بارىسىندا تاراپتار كوپ جوسپارلى قازاقستان- رەسەي ساياسي جانە ساۋدا- ەكونوميكالىق ىنتىماقتاستىعىنىڭ ىلگەرى دامۋىنا ريزاشىلىق ءبىلدىردى.
سونىمەن قاتار، ەكى ەل باسشىلارى گۋمانيتارلىق سالاداعى ديالوگتى ودان ءارى ىلگەرىلەتۋدىڭ ماڭىزدىلىعىن اتاپ ءوتتى، ونىڭ اياسىندا 2019 -جىلدىڭ قىركۇيەك ايىندا رەسەيدەگى قازاقستاننىڭ مادەنيەت كۇندەرى وتەدى.
نۇرسۇلتان نازاربايەۆ پەن ۆلاديمير پۋتين الداعى كەزدەسۋلەردىڭ كەستەسىن تالقىلادى.
