ايەلدەرگە ىشۋگە بولمايتىن سۋسىن

نۇر-سۇلتان. قازاقپارات -ءسوز جوق، سىرا ەرلەر ءۇشىن دە، ايەلدەر ءۇشىن دە اسا زيان. الايدا، الكوگولدى سۋسىننىڭ جويقىن اسەرى نازىك جاندىلار قاۋىمىنا ءتيىپ وتىر.

 سىرانى كوپ ىشەتىن ايەلدەردىڭ سىمباتى عانا بۇزىلىپ قويماي، گورمونالدىق جاعدايىن وزگەرىسكە تۇسىرەدى. سىرانىڭ قۇرامىنداعى فيتوەستروگەن قىز بالاسىنىڭ دەنساۋلىعى ءۇشىن ەڭ جوعارعى قاۋىپتى توندىرەدى. اتالعان زات اعزاعا تۇسىسىمەن گورمون تەڭگەرىمسىزدىگىنە ۇشىراتىپ، سوڭى بەدەۋلىككە سوقتىرادى. فيتوەستروگەن جۇيكە جۇيەسىنىڭ بۇزىلۋىنا دا جول اشادى. ايەل اشۋلانشاق، كۇيگەلەك، ىزاقور بولىپ كەتەدى. ال كوبىكتى سۋسىننىڭ سالماقتى ارتتىراتىنى بارىنە بەلگىلى. سىرانىڭ ءبىر بوتەلكەسىندە 200-250 كيلوكالوريا بولادى. بۇل دەگەنىڭ تولىققاندى تۇسكى استىڭ جارتىسىنا پارا- پار. سونداي- اق، نەگىزگى كومپونەنتتەرى (قۇلماق، سپيرت) تابەتتى كۇشەيتە تۇسەدى. ناتيجەسىندە، قانشالىقتى مولشەردە تاماق جەيتىنىڭىزگە ەسەپ بەرە الماي قالاسىز. سول سەبەپتى، تاماقتانۋ تارتىبىڭىزگە جاۋاپكەرشىلىكپەن قاراپ، اعزاڭىزعا پايداسى تيەتىن، ءسىزدى سۇلۋ، دەنى ساۋ ەتەتىن سۋسىنداردى تاڭداي ءبىلىڭىز!

Massaget.kz