اتا- انالارعا كەڭەس: مەكتەپكە بالانى قالاي دايىنداۋ كەرەك
پروفيلاكتيكالىق ەكپە ەگۋ كۇنتىزبەسى بالالاردى جۇقپالى اۋرۋلاردان ءتيىمدى قورعاۋ ءۇشىن ۆاكسينا سالۋعا وڭتايلى ۋاقىتتى انىقتايدى. بالانىڭ ۋاقىتىلى ەكپە الۋى ماڭىزدى. اعزادا ۆاكتسيناعا قارسىلىق بولماعان جاعدايدا، دارىگەردىڭ تەكسەرۋىنەن كەيىن جاسىنا سايكەس بارلىق قاجەتتى ەكپەلەردى سالدىرتقان ءجون.
مەكتەپكە قاجەتتى كيىم- كەشەكتەر ساتىپ الىڭىز
مەكتەپ كيىمى مەن قۇرالدارىنا قويىلاتىن ناقتى تالاپتار بار ەكەندىگىن بىلەسىز بە؟ مىسالى، قاۋىپسىز ءارى ساپالى مەكتەپ پورتفەلىنىڭ سالماعى 1 ك گ اسپاۋى قاجەت، ونىڭ ورتوپەديالىق ارقالىعى مەن جارىق بولەتىن ەلەمەنتتەرى بولۋى كەرەك. ءبىر وقۋ كۇنىنە ەسەپتەلگەن بارلىق كىتاپتاردىڭ جالپى سالماعى قۇرال- سايماندارىمەن بىرگە سومكەنىڭ سالماعىن ەسكەرمەگەندە: I- II سىنىپتا — 1,5- 2,0 ك گ؛ III- IV سىنىپتا — 2,0- 2,3 ك گ؛ V- VI سىنىپتا — 2,3- 3,0 ك گ؛ VII- VIII سىنىپتا — 3,0- 3,5 ك گ؛ IX- XII سىنىپتا — 3,5- 4,5 ك گ اسپاۋى ءتيىس. مەكتەپ فورماسى بالانىڭ قوزعالىسىن شەكتەمەيتىنىنە جانە جىل مەزگىلىنە ساي كەلەتىنىنە نازار اۋدارىڭىز.
بالانىڭ جۇمىس ورنىنا كوڭىل ءبولىڭىز
بالانىڭ دەنساۋلىعى جاقسى بولۋ ءۇشىن، ول قولايلى جاعدايدا وقۋى كەرەك. بالانىڭ جۇمىس ورنى جارىق بولۋى ءتيىس، شام سول جاق بولىكتە، ەگەر بالاڭىز سولاقاي بولسا - وڭ جاقتا ورنالاسۋى كەرەك. ۇستەلدىڭ بيىكتىگى بالانىڭ بويىنا سايكەس بولۋى قاجەت، بويى 120 سانتيمەتر بولعان جاعدايدا - ۇستەلىنىڭ بيىكتىگى 52 سانتيمەتردەن اسپاۋى كەرەك، ال بويى 120 سانتيمەتردەن اسقان جاعدايدا - 60 سانتيمەتر بولۋى كەرەك.
بالانى گيگيەنا ساقتاۋعا ۇيرەتىڭىز
تاماق ىشەر الدىندا جانە دارەتحانادان كەيىن قولدى جۋۋ - بالانى كوپتەگەن اۋرۋلاردان قورعايتىن ەڭ قاراپايىم ەرەجە.
بالانى كۇن ءتارتىبىن ساقتاۋعا ۇيرەتىڭىز
كۇن ءتارتىبى — بۇل كەز- كەلگەن بالانىڭ سالاۋاتتى ءومىر سالتىنىڭ ماڭىزدى بولىگى. مەكتەپ جاسىنداعى بالاعا دۇرىس ۇيقى رەجىمى جانە تۇراقتى ۇيلەستىرىلگەن تاماقتانۋ رەجىمى قاجەت. وقۋشىلارعا ارنالعان تۇنگى ۇيقىنىڭ نورماسى: 1-4 سىنىپتا - 10-10,5 ساعات، 5-7 سىنىپتا - 9,5-10 ساعات، 8-9 سىنىپتا - 9-9,5 ساعات، 10-11 سىنىپتا - 8-9 ساعات. ءبىرىنشى سىنىپ وقۋشىلارى كۇندىز 2 ساعاتتاي ۋاقىت ۇيىقتاپ الۋ قاجەت. مەكتەپ جاسىندا ءتورت رەت تاماقتانعان ءجون، ءار 4 ساعات سايىن تاۋلىكتىك راتسيوندى بىردەي ءبولىپ تاماقتانۋ قاجەت: تاڭعى اس - %25، ەكىنشى تاڭعى اس -% 20، تۇسكى اس -% 35، كەشكى اس -% 20.
پسيحولوگيالىق تۇرعىدان دايىن بولىڭىز
پسيحولوگيالىق جايلىلىق بالالار ءۇشىن دە، اتا- انالار ءۇشىن دە ماڭىزدى. 1 - قىركۇيەكتى كۇيزەلىسسىز قارسى الىڭىز. تىنىشتىق ساقتاپ، مەكتەپكە ءازىر بولىڭىز!
جالپى، بۇل قاراپايىم ەرەجەلەردەن بولەك، ەڭ باستىسىن ۇمىتپاڭىز - بالاڭىزدى كوبىرەك باۋىرىڭىزعا باسىپ، قۇشاقتاڭىز. بۇل ولارعا قورعانىش سەزىمى مەن سەنىمدىلىك بەرەدى. بالالار ولاردى جاقسى كورەتىنىن، تۇسىنەتىنىن، قولدايتىنىن ءبىلىپ سەزەتىن بولادى. بالاڭىزدى ولاردىڭ اكادەميالىق جەڭىستەرىنە قاراماستان جاقسى كورىڭىز.
