11:03, 27 - تامىز 2019 | GMT +6
دونالد ترامپتىڭ ۇلى موڭعوليادا قازاق كيىز ۇيىندە قونىپ، تامسانىپ قايتتى
نۇر- سۇلتان. قازاقپارات – ا ق ش پرەزيدەنتىنىڭ ۇلى كىشى دونالد ترامپ موڭعوليادا قازاق كيىز ۇيىنە قونىپ، دەمالىسىن وتكىزىپ قايتتى.
العان اسەرى تۋرالى ول ينستاگرام پاراقشاسىندا جازدى، دەپ حابارلايدى قازاقپارات.
«جىگىتتەر، ۇلىم دوننيمەن بىرگە كيىز ۇيدە وتكەن ءومىردى دە كوردىك. وتكەن اپتادا موڭعوليانى زەرتتەۋگە شىققان ەدىك. ۇزاق شاقىرىمداردى اتپەن، كەيىن 4WD- مەن باسىپ وتتىك. جۋىق ارادا ءالى دە فوتولاردى سالامىن. شىنىندا دا، بۇل جاق - مەن كورگەن ەڭ كوركەم جەرلەردىڭ ءبىرى. ادامداردان جىلىلىق پەن مەيىرىمدىلىك ەسىپ تۇر. وسىناۋ كەرەمەت تاجىريبەدەن كەيىن الەۋمەتتىك جەلىگە قايتىپ كەلگەن ءبىرتۇرلى ەكەن»، - دەپ جازدى كىشى دونالد ترامپ ءوز پاراقشاسىندا.
كىشى دونالد ترامپ پاراقشاسىنا موڭعوليا جەرىن ارالاۋ كەزىندەگى بىرنەشە فوتونى جۇكتەگەن.
اۆتور: ايان بەكەن ۇلى
