الماتىدا جۋرناليستەر اللەياسى اشىلدى
الماتى. قازاقپارات - الماتىداعى «اتاكەنت» ساياباعىندا جۋرناليستەر الما اعاشتارىن وتىرعىزدى. قالا ورتالىعىنداعى بۇل جەرگە كۇن سايىن 10 مىڭعا جۋىق تۇرعىن كەلىپ، دەمالادى، دەپ حابارلايدى حابار24kz.
ولاردىڭ ءارقايسىسىنا ءبىر اعاشتان كەلەدى. الايدا قارقىندى ءوسىپ كەلە جاتقان مەگاپوليس ءۇشىن كوك جەلەكتىڭ كوپ بولعانى جاقسى. جەرگىلىكتى «دوستار كلۋبىنىڭ» بەلسەندىلەرى قاتىسۋشىلارعا تال ەگۋگە قاجەتتى قۇرالدار تاراتىپ، اعاشتىڭ ءتولقۇجاتىن تاپسىردى. ءار اعاشقا ونى وتىرعىزعان جۋرناليستىڭ اتى-ءجونى جازىلعان تاقتايشا بەكىتىلدى. جۋرناليستەر اللەياسىنا بۇگىن جالپى سانى 70 اعاش ەگىلدى.
«نەگە جۋرناليستەردى تاڭدادىق؟ سەبەبى الماتىدا جۋرناليستەر اللەياسى جوق. بۇل اۋماقتا جەكە كۇزەت جۇمىس ىستەيدى. سوندىقتان اعاشتار ءۇشىن الاڭداۋدىڭ قاجەتى جوق. سۋارۋدى قازىرگى سانگە ساي ۇيىمداستىرۋدى ءجون كوردىك. «ءوز اعاشىڭدى سۋار» دەگەن ۇرانمەن ءار جۋرناليستكە، تەلەارناعا الەۋمەتتىك جەلى ارقىلى ەستافەتا جولدايمىز»، - دەيدى قوعامدىق بىرلەستىك پرەزيدەنتى باۋىرجان باياكەشوۆ.
