ق ر ءى ءى م جاڭا وقۋ جىلىنىڭ باستالۋىنا وراي جولداعى ءتارتىپتى قاتاڭ باقىلاۋعا الماق
نۇر-سۇلتان. قازاقپارات – ق ر ىشكى ىستەر مينيسترلىگىنىڭ وكىلدەرى جاڭا وقۋ جىلىنىڭ باستالۋىنا وراي اتا-انالاردى بالالارىنىڭ ءجۇرىس-تۇرىسىنا مۇقيات بولۋ قاجەتتىگىن ەسكەرتتى.
بۇل تۋرالى مينيسترلىك ءوزىنىڭ Facebook-تەگى پاراقشاسىندا جازدى.
«وقۋ جىلىنىڭ باستالۋىنا نەبارى 3 اپتا ۋاقىت قالدى. مىڭداعان ءبۇلدىرشىنىمىز مەكتەپ تابالدىرىعىن اتتاماقشى. وسىعان وراي پوليتسيا قىزمەتكەرلەرى اتا-انالاردان كىشكەنتاي بالالارىنا جولدا ءجۇرۋ ەرەجەلەرىن ءتۇسىندىرۋدى، جولدان ءوتۋ كەزىندە ەرەسەكتەردىڭ كومەگىمەن باعدارشام ارقىلى نەمەسە جاياۋ جۇرگىنشىلەرگە ارنالعان جولاقتان ءوتۋ قاجەتتىگىن ۇيرەتۋدى سۇرايدى»، - دەلىنگەن حابارلامادا.
سونداي-اق مينيسترلىكتىڭ حابارلاماسىندا شىمكەنت قالاسى پوليتسيا دەپارتامەنتىنىڭ باستىعى پوليتسيا پولكوۆنيگى ەرالى جۋماحانبەتوۆتىڭ باستاماسىمەن شىمكەنت قالاسى اۋماعىندا جول قاۋىپسىزدىگى دەڭگەيىن كوتەرۋ ماقساتىندا 2018-جىلدىڭ قىركۇيەگىنەن باستاپ قالاداعى ءىرى كوشە قيىلىستارىندا جانە 147 مەكتەپتىڭ الدىنداعى جاياۋ جۇرگىنشىلەرگە ارنالعان جولاقتاردىڭ الدىندا جەرگىلىكتى پوليتسيا قىزمەتى باسقارماسىنىڭ جانە پاترۋلدىك پوليتسيا پولكىنىڭ قىزمەتكەرلەرى 3 اۋىسىممەن كەزەشىلىك ەتەتىندىگى ايتىلعان.
«بۇل باستاما ءوز جالعاسىن تاباتىن بولادى. جول قاۋىپسىزدىگىن ساقتاۋ - ءبارىمىزدىڭ ورتاق مىندەتىمىز»، - دەلىنگەن مينسيترلىك تاراتقان اقپاراتتا.
