قازاقستاندىقتاردىڭ جەكە مالىمەتتەرى الەۋمەتتىك جەلىدە زاڭسىز جينالىپ جاتقانى انىقتالدى
باسقارمادان حابارلانعانداي، جۋىردا بالالاردى بالاباقشالارعا تىركەۋ بويىنشا اقىلى قىزمەت كورسەتەتىن الەۋمەتتىك جەلىدەگى پاراقشالار جۇمىس ىستەي باستاعان. وسى رەتتە اتالمىش پاراقشالار قازاقستاندىقتاردىڭ جەكە مالىمەتتەرىن زاڭسىز جيناپ جاتقانى ازاماتتاردى الاڭداتا تۇسكەن.
«KZ- CERT» ءوز كەزەگىندە تالداۋ جۇمىستارىن جۇرگىزە وتىرىپ، Instagram جەلىسى مەن «OLX» ونلاين- دۇكەنىندە كەلەسى ماتىندەگى اقپاراتتىڭ تاراعانىن انىقتاپ وتىر: «ءبىزدىڭ پاراقشا بالاباقشالارداعى ورىندارعا تاۋلىك بويى مونيتورينگ جۇرگىزۋمەن اينالىسادى. ءبىز e.astana.kz ەلەكتروندى اكىمدىگىنىڭ سايتى ارقىلى جۇمىس جۇرگىزەمىز. بۇل قازاقستان رەسپۋبليكاسىنىڭ جالپى حالقىنا قولجەتىمدى سايت. سايتقا ەلەكتروندى سيفرلى قولتاڭبا (ە س ق) ارقىلى كىرۋگە بولادى. ءسىز تەك ءوزىڭىزدىڭ ۇيىڭىزگە جاقىن بالاباقشانى تاڭداپ الىپ، ەتسق كىلتىن ۇسىنساڭىز بولدى. ەسكە سالامىز: بارلىق جۇمىس زاڭ اياسىندا جۇرگىزىلەدى. تەك باعىتتاما بەرىلگەننەن كەيىن عانا اقى الىنادى. وسىدان كەيىن ءسىزدىڭ بارلىق جەكە مالىمەتتەرىڭىز ءساتتى تۇردە جويىلادى».
ينتەرنەت وقيعالارىنا جاۋاپتى قىزمەت اتالمىش جاعدايدا جەكە مالىمەتتەردى جيناۋ جۇمىسى سەندىرۋ تەتىگى ارقىلى جۇرگىزىلىپ جاتقانىن ەسكەرتەدى.
«بالانى بالاباقشاعا كەزەككە ورنالاستىرۋ، كەزەك ءنومىرىن باقىلاۋ، بالاباقشاعا باعىتتاما الۋ - بارلىق قىزمەتتەردى اتا- انالار e.astana.kz پورتالىنىڭ سايتىنان تەگىن الا الادى. ونىڭ ۇستىنە اتالمىش قىزمەتتەر ءۇشىن ەشقانداي ە س ق- نىڭ قاجەتى جوق. اۆتوريزاتسيالاۋ مەن ارى قاراي قىزمەتتى الۋ ءۇشىن ج س ن ءنومىرىن، اتا-انانىڭ تەلەفون ءنومىرىن جانە ءبىر رەت تەكسەرۋشى س م س- پارول ءنومىرىن ەنگىزسەڭىز بولعانى. سول سەبەپتى، بوگدە ادامنىڭ بۇل فورمالاردى تولتىرۋى ق ر زاڭناماسىنا قايشى كەلەدى. ءسىز بەرگەن ە س ق كىلتى مەن جەكە مالىمەتتەرىڭىز باسقا ماقساتتا پايدالانبايدى دەپ ەشكىم كەپىلدىك بەرمەيدى»، - دەپ ءتۇسىندىردى نۇر-سۇلتان قالالىق ءبىلىم باسقارماسىنىڭ ستراتەگيا، تالداۋ جانە سيفرلى تەحنولوگيالار ءبولىمىنىڭ باسشىسى جازيرا اسانوۆا.
كەز كەلگەن ادامنىڭ ە س ق كىلتىن تاۋىپ الۋ ارقىلى الاياقتار «ەلەكتروندى ۇكىمەت» پورتالىندا ازاماتتاردىڭ جەكە مالىمەتتەرىن پايدالانىپ، مەملەكەتتىك قىزمەتتىڭ ءتۇر- ءتۇرىن الا الادى. وسىعان بايلانىستى «KZ- CERT» قىزمەتى مەن ەلوردانىڭ ءبىلىم باسقارماسى بارلىق اتا-انالارعا وسىعان ۇقساس مالىمدەمەلەرگە سەنبەۋگە، قىزمەتتىڭ ءبارىن e.astana.kz رەسمي جۇيەسىندە الۋعا شاقىرادى. جوعارىدا اتالعان ينتەرنەت-رەسۋرستار انىقتالعان جاعدايدا 1400 نومىرىنە حابارلاسۋعا نەمەسە @kzcert تەلەگرامم توبىنا حابار بەرۋگە بولادى.
«KZ- CERT» كومپيۋتەرلىك وقيعالارعا ارەكەت ەتۋ قىزمەتىنىڭ ءنومىرى مەن ەلەكتروندى پوشتاسى: 87172559997، 1400(موب. ) E-mail: info@kz-cert.kz؛ incident@kz-cert.kz https://t.me/kzcert.
ايان بەكەن ۇلى