قاسىم-جومارت توقايەۆ وتاندىق وندىرۋشىدەن اياق كيىم ساتىپ الدى

نۇر-سۇلتان. قازاقپارات - مەملەكەت باسشىسى قاسىم جومارت توقايەۆ قازاقستاندىق وندىرۋشىدەن اياق كيىم ساتىپ الدى.

بۇل تۋرالى ق ر پرەزيدەنتى ءوزىنىڭ twitter- دەگى پاراقشاسىندا جازدى.

«ايقىن» قاراپايىم ەڭبەك ادامدارىن ۇنەمى ناسيحاتتايدى. جاقىندا ەتىك تىگەتىن جاس كاسىپكەر تۋرالى جاقسى سۇحبات جاريالاندى. وتاندىق ءونىمدى قولداۋ ماقساتىندا مەن دە ءبىر اياق كيىمىن ساتىپ الدىم. ادال ەڭبەك ەتىپ، ناقتى كاسىپپەن اينالىسۋعا دەگەن كوزقاراس ورنىعۋى ءتيىس»، - دەپ جازدى مەملەكەت باسشىسى.

ايتا كەتەيىك، قاسىم-جومارت توقايەۆ ءسوز ەتىپ وتىرعان سۇحبات رەسپۋبليكالىق «ايقىن» باسىلىمىندا «ەلىمىزدە ەتىكشى تاپشى» دەگەن تاقىرىپپەن جاريالاندى.

وندا Shoes Republic اياق كيىم فابريكاسىنىڭ باسشىسى داۋرەن رامانقۇل ءوزىنىڭ كاسىپكەرلىك قىزمەتى، وعان كەلۋ جولى جانە كاسىپكەرلىكتى دامىتۋ بويىنشا ەلدە قالىپتاسقان جاعدايعا وي-پىكىرلەرىمەن بولىسكەن.