الاكولگە قۇبىر ارقىلى لاي سۋ اعىزىلىپ جاتىر - تۋريستەر
بەينەجازباعى مالىمەتكە سايكەس، كولگە توگىلىپ جاتقان سۋدىڭ جاعىمسىز ءيىسى بار.
«مىنە بۇل الاكولدەگى اقشي اۋىلى. مىنە قاراڭىزدار، جاعىمسىز ءيىسى بار سۋ كولگە توگىلىپ جاتىر. بۇل كاناليزاتسيانىڭ قالدىعى. ءيىسى ادام توزگىسىز، جاعىمسىز. مىنە كولدى وسىلاي لاستاپ جاتىر. قانشاما ادام ءجۇر»، - دەيدى بەينەجازبانى ءتۇسىرىپ جۇرگەن اۆتور.
ال الاكول اۋدانىنىڭ اكىمدىگى بۇل ماسەلەگە وراي ارنايى كوميسسيا قۇرىلعانىن جەتكىزدى.
«قۇرمەتتى الاكول اۋدانىنىڭ تۇرعىندارى مەن قوناقتارى! بەينەجازبادا كورسەتىلگەن سۋ «كوكتەم گراند» دەمالىس ورنىنىڭ باسسەينىنەن اققان سۋ ەكەنىن حابارلايمىز. كولگە ەشقانداي زيانى جوق. اۋدان اكىمدىگىنىڭ قىزمەتكەرلەرى تاراپىنان اتالعان جەرگە بارىپ، تەكسەرۋ جۇمىستارى جۇرگىزىلدى. وزدەرىڭىزگە بەلگىلى تارالعان بەينەجازبادا كورسەتىلگەن «كوكتەم گراند» دەمالىس ورنىنىڭ باسسەينىنەن كولگە قۇيىلىپ جاتقان سۋ ماسەلەسى بويىنشا بۇگىن اۋداندىق كوميسسيا قۇرىلدى. كوميسسيا ءتوراعاسى اۋدان اكىمىنىڭ ورىنباسارى ايدىن چالكەنوۆ، قۇرامىنا اۋداندىق دەنساۋلىق ساقتاۋ باسقارماسى، ەكولوگيا، تۇرعىن ءۇي كوممۋنالدىق شارۋاشىلىق جانە تۇرعىن ءۇي ينسپەكتسياسى ءبولىمى، «اتامەكەن» كاسىپكەرلەر پالاتاسى جانە اۋداندىق كاسىپكەرلىك ءبولىمى ماماندارىمەن قامتىلدى. بۇل ماسەلە بويىنشا قوسىمشا اقپارات بەرىلەدى»، - دەدى الاكول اۋدانى اكىمىنىڭ باسپا ءسوز قىزمەتىنەن.