قىزمەتتىك كولىكتى جەكە ماقساتتا پايدالانعان شەنەۋنىكتەر جازالاندى

نۇر-سۇلتان. قازاقپارات - اقتوبە وبلىسىندا وكىلەتتى ورگان قىزمەتكەرلەرى مەملەكەت مەنشىگىندەگى اۆتوكولىكتەردى جەكە ماقساتقا پايدالانعان بىرنەشە باسشىنى جاۋاپقا تارتتى دەپ حابارلايدى «اقتوبە جاڭالىقتارى».

«اقتوبە - ادالدىق الاڭى» جوبالىق كەڭسەسى مەن ۇلتتىق قاۋىپسىزدىك كوميتەتى شەكارا قىزمەتىنىڭ 2030 اسكەري ءبولىمى مەملەكەتتىك ورگاندار مەن ۇيىمدارعا تيەسىلى ءنومىرى بار اۆتوكولىكتەردىڭ «جايسان» جانە «الىمبەت» شەكارا بەكەتتەرىنەن وتۋىنە قاتىستى مونيتورينگ جۇرگىزدى. ناتيجەسىندە جەكە ماقساتتا پايدالانۋدىڭ 4 دەرەگى انىقتالدى.

«باقىلاۋ كەزىندە قارعالى اۋداندىق تۇرعىن ءۇي-كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى» مەكەمەسىنە قاراستى «بادامشا-سەرۆيس» ك م ك ديرەكتورى قىزمەتتىك اۆتوكولىگىمەن «الىمبەت» شەكارا بەكەتىن 6 رەت كەسىپ وتكەن.

سونىمەن قاتار «تابىس اقتوبە» ج ش س، «قازاۆتوجول» ۇ ق ا ق وبلىستىق فيليالى جانە «مۇعالجار اۋداندىق تۇرعىن ءۇي-كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمى» م م- نە قاراستى قىزمەتتىك اۆتوكولىكتەر «الىمبەت» جانە «جايسان» شەكارا بەكەتتەرىن بىرنەشە رەت كەسىپ وتكەن»، - دەلىنگەن «اقتوبە-ادالدىق الاڭى» جوباسىنىڭ باسپا ءسوز قىزمەتى تاراتقان حابارلامادا.

قىزمەتتىك كولىكتى جەكە ماقساتقا قولدانعان جاۋاپتى تۇلعالار تارتىپتىك جاۋاپكەرشىلىككە تارتىلعان.

ماماندار اتالعان شارانىڭ تۇراقتى تۇردە جالعاسىن تاباتىنىن جانە قۇقىقبۇزۋشىلىققا جول بەرگەن بارلىق تۇلعالار زاڭنامامەن كوزدەلگەن جاۋاپكەرشىلىككە تارتىلاتىنىن حابارلايدى.

Kaz.tengrinews.kz