مۋزەي، ارحيۆ جانە كىتاپحانا قىزمەتتەرى ءبىر جىلدىڭ ىشىندە ءۇش ەسەگە قىمباتتادى
بۇل ءبىر جىل بۇرىنعى كورسەتكىشتەن %28,4 كوپ. قازىرگى تاڭدا مادەني سالانى ءارى قاراي دامىتۋ جوسپارلانىپ وتىر. وسى رەتتە قالادا ساۋلەت، قالا قۇرىلىسى جانە جەر قاتىناستارى باسقارماسىنىڭ وكىلدەرى ەلوردادا ءۇش ءجۇز كورەرمەنگە ارنالعان ۇلكەن پلانەتاري سالىناتىنىن ايتتى.
سونداي-اق، استانادا قوسشى كەنتى مەن اۋەجايدان كەلە جاتقان تۋريستەردى ءبىرىنشى بولىپ قارسى الاتىن عارىش مۋزەيىن اشۋ جوسپارلانىپ وتىر. قازىرگى ۋاقىتتا عارىش مۋزەيى مەن عارىش كەمەلەرىنىڭ ءپىشىنى بار جوبانىڭ ءبىرىنشى كەزەگى تۇرعىزىلعان.
وسى سەكتورداعى قىزمەتتەر اراسىندا كىتاپحانالار مەن وقۋ زالدارىنىڭ ۇلەسى كوپ - %40,5: ءبىر توقساندا 4,5 ميلليارد تەڭگە، وتكەن جىلدان %12,7 كوپ. مۋزەيلەر قىزمەتىنىڭ ۇلەسى %22,4 قۇراپ وتىر. كورسەتكىش ءبىر جىلدىڭ ىشىندە بىردەن %36,6 - 2,5 ميلليارد تەڭگەگە وسكەن.
سونىمەن قاتار، ەلوردادا جەدەل مەديتسينالىق كومەك مۋزەيى اشىلعان.
نۇر-سۇلتان قالاسى اكىمدىگىنىڭ دەرەگى بويىنشا، مۋزەيدە جەدەل جاردەم قىزمەتىنىڭ 90 جىلدىق تاريحىن قامتيتىن سۋرەتتەر، قۇجاتتار مەن زاتتاي دەرەكتەر قويىلعان.
قازاقستاندا مۋزەيلەر سانى سوڭعى جىلدارى 204 تەن (2009 -جىلى) 245 كە دەيىن (وسى جىلدىڭ باسى) وسكەن.
ەڭ كوپ مۋزەي الماتى (28)، تۇركىستان (27) جانە اقتوبە وبلىستارىندا (20) شوعىرلانعان.