قاسىم-جومارت توقايەۆ فرانسيانىڭ قارجى ءمينيسترى برۋنو لە مەردى قابىلدادى

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ فرانسيانىڭ ەكونوميكا جانە قارجى ءمينيسترى برۋنو لە مەردى قابىلدادى، دەپ حابارلايدى اقوردانىڭ باسپا ءسوز قىزمەتى.

كەزدەسۋ بارىسىندا مەملەكەت باسشىسى قازاقستان مەن فرانتسيا اراسىندا سەنىمدى ەكىجاقتى ىنتىماقتاستىق ورناعانىن، اسىرەسە، ساۋدا-ەكونوميكالىق جانە ساياسي سالالاردا زور مۇمكىندىكتەر بارىن اتاپ ءوتتى.

- ءبىز فرانسيانى ەۋروپا وداعى شەڭبەرىندەگى نەگىزگى سەرىكتەس رەتىندە قاراستىرامىز. ە و قازاقستاننىڭ باستى ساۋدا سەرىكتەسى بولىپ تابىلادى. ەكىجاقتى ساۋدا كولەمى 4,5 ميلليارد ا ق ش دوللارىنا جەتتى. ال فرانسيادان ەل ەكونوميكاسىنا تارتىلعان تىكەلەي ينۆەستيسيالار كولەمى 15 ميلليارد ا ق ش دوللارىنان استى، - دەدى قاسىم-جومارت توقايەۆ.

مەملەكەت باسشىسى قازاقستاندا جۇمىس ىستەپ جاتقان فرانسۋز كومپانيالارىنىڭ تابىستى قىزمەتىن اتاپ ءوتىپ، فرانسيا مينيسترىنە، ءبىزدىڭ ەلدە شەتەلدىك كومپانيالاردىڭ ءتيىمدى جۇمىس ىستەۋى ءۇشىن بارلىق جاعدايلار جاسالاتىنىن ايتتى.

ب. لە مەر قازاقستان پرەزيدەنتىنە جىلى قارسى العانى ءۇشىن العىسىن ءبىلدىرىپ، فرانسيا مەن قازاقستان اراسىندا كوپ جىلدىق ءوزارا ءتيىمدى ستراتەگيالىق ارىپتەستىك ارناعانىن اتاپ ءوتتى. فرانسيانىڭ ەكونوميكا جانە قارجى ءمينيسترى ەكى ەل اراسىنداعى ءوزارا جەمىستى ءىس-قيمىلداردى بارىنشا ارتتىرۋعا ۇمتىلاتىنىن ءبىلدىردى.

سوڭىندا مەملەكەت باسشىسى فرانسيا كوشباسشىسى ەممانيۋەل ماكرونعا سالەم جولداپ، ىزگى تىلەگىن ءبىلدىردى.