02:36, 27 - شىلدە 2019 | GMT +5
تايلاندتا قازاقستان ازاماتشاسى قاماۋعا الىندى
نۇر-سۇلتان. قازاقپارات - مەرزىمى ءوتىپ كەتكەن ۆيزاسىنا بايلانىستى قازاقستاندىق قىز ميگراتسيالىق تۇرمەگە قامالدى.
بۇل تۋرالى ق ر سىرتقى ىستەر مينيسترلىگى باسپا ءسوز قىزمەتى ءمالىم ەتتى، دەپ حابارلايدى قازاقپارات.
بەلگىلى بولعانداي، 1995 -جىلعى قىز تايلاند اۋماعىندا مەرزىمى وتكەن ۆيزامەن التى ايدان استام ۋاقىت بويى ەمىن- ەركىن تۋريست رەتىندە جۇرە بەرگەن. الداعى ۋاقىتتا وعان قاتىستى دەپورتاتسيا شاراسى ىسكە اسىرىلماق. ول بانگكوكتەگى اۋەجايدا ۇستالعان.
«كونسۋل ونىمەن بايلانىسقا شىقتى. شەشىم شىعارىلعانعا دەيىن ول ميگراتسيالىق تۇرمەگە جەتكىزىلدى. اتالمىش وقيعا بويىنشا شەشىم الداعى اپتادا شىعارىلادى. الدىن الا مالىمەت بويىنشا ول دەپورتاتسيالانادى. ازىرگە، قىلمىستىق جاۋاپكەرشىلىك تۋرالى ماسەلە كوتەرىلگەن جوق»، - دەپ ناقتىلادى باسپا ءسوز قىزمەتى.