ەلدىڭ باسىم بولىگىندە جاڭبىرلار ساقتالادى
رەسپۋبليكانىڭ تەك وڭتۇستىگىندە جاۋىن-شاشىنسىز، اشىق اۋا رايى ساقتالادى. ەلىمىزدىڭ كەي جەرلەرىندە ەكپىندى جەل، داۋىل، بۇرشاق، سولتۇستىكتە تۇمان كۇتىلەدى، دەپ حابارلايدى قازاقپارات.
«قازگيدرومەت» ر م ك مالىمەتىنشە، اتىراۋ، قاراعاندى، كۇندىز باتىس قازاقستان وبلىستارىنىڭ كەي جەرلەرىندە داۋىل كۇتىلەدى، جەل 15-20 م/س كۇشەيەدى. كەي جەرلەرىندە بۇرشاق جاۋۋى مۋمكىن.
ماڭعىستاۋ، اكتوبە، كۇندىز اقمولا، الماتى، جامبىل، قىزىلوردا، قوستاناي وبلىستارىنىڭ كەي جەرلەرىندە جەلدىڭ كۇشى 15-20 م/س ارتادى. اقمولا، قوستاناي، سولتۇستىك قازاقستان وبلىستارىندا تۇندە جانە تاڭەرتەڭ كەي جەرلەرىندە تۇمان كۇتىلەدى.
پاۆلودار وبلىسىنىڭ جەكەلەگەن اۋماعىندا تۇمان بولجانادى، بۇرشاق جاۋۋى مۇمكىن. كۇندىز نايزاعاي كەزىندە جەل 18 م/س كۇشەيەدى.
شىعىس قازاقستان وبلىسىنىڭ كەي جەرلەرىندە داۋىل تۇرىپ، كۇندىز بۇرشاق جاۋۋى ىقتيمال. تۇندە جانە تاڭەرتەڭ تۇمان كۇتىلەدى.
كۇندىز الماتى، تۇركىستان، قىزىلوردا، اتىراۋ وبلىستارىندا، ماڭعىستاۋ، باتىس قازاقستان، اقتوبە وبلىستارىنىڭ كەي جەرلەرىندە قاتتى ىستىق كۇتىلەدى.
سونداي-اق قىزىلوردا، تۇركىستان، جامبىل، اقتوبە، الماتى، كەي جەرلەردە قاراعاندى، شىعىس قازاقستان، قوستاناي وبلىستارىندا وتە جوعارى ءورت قاۋپى ساقتالادى.