قاتونقاراعاي تاۋلارىنداعى قۇنۋ فوتوتۇزاققا ءتۇسىپ قالدى

الماتى. قازاقپارات - شىعىس قازاقستان وبلىسى قاتونقاراعاي تاۋلارىندا سيرەك كەزدەسەتىن جانۋار قۇنۋ فوتوتۇزاققا ءتۇسىپ قالدى، دەپ حابارلايدى قازاقپارات ءتىلشىسى.

بۇل سيرەك سۋرەتتى فەيسبۋكتەگى پاراقشاسىندا ق ر ا ش م ورمان شارۋاشىلىعى مەن جانۋارلار الەمى كوميتەتىنىڭ باسپا ءسوز حاتشىسى ساكەن دىلداحمەت جاريالادى.

«بۇل روسوماحا فيلمىندەگى حيۋ دجەكمان ەمەس. بۇل قاتونداعى ناعىز قۇنۋ! بۇل قاتونقاراعاي مەملەكەتتىك تابيعي پاركىندە فوتوتۇزاقتىڭ تۇسىرگەن كادرى!»، - دەدى ساكەن دىلداحمەت.

ايتا كەتۋ كەرەك، قۇنۋ سۋسار تەكتى جانۋارلاردىڭ ءبىر ءتۇرى. قازاقستاندا وڭتۇستىك التاي تاۋىنداعى سامىرسىن، مايقاراعاي، قايىڭ وسكەن نۋ ورماندار مەن تاۋ وزەندەرىنىڭ بويىنداعى توعايلاردى مەكەندەيدى.

قۇنۋ تەرىسى باعالى جىرتقىش. ول ايەلدەردىڭ قىسقى كيىمىنىڭ جاعاسىنا، باس كيىم تىگۋگە پايدالانىلادى.