اقتاۋدا كاسپي تەڭىزىن زەرتتەيتىن عىلىمي ورتالىق اشىلدى
وڭىردەگى مەملەكەتتىك ۋنيۆەرسيتەت بازاسىندا جۇمىسىن باستاعان ورتالىقتا تەڭىزدەگى بالىقتار مەن وسىمدىكتەر تۋرالى تولىق اقپارات جيناقتالىپ، كەشەندى تالداۋ جۇرگىزىلەدى. بۇل جۇمىستارعا ەل عالىمدارىمەن قاتار، رەسەي، وڭتۇستىك كورەيا جانە ازەربايجان ماماندارى ات سالىسادى.
الداعى اپتادا وڭىرگە ماسكەۋ مەملەكەتتىڭ ۋنيۆەرسيتەتى وكەانولوگيا ينستيتۋتىنىڭ عالىمدارى كەلە جاتىر. ولار اقتاۋلىق ارىپتەستەرىمەن بىرلەسىپ، بالىقتاردىڭ پوپۋلياتسياسىن زەرتتەپ، ولاردىڭ ءجۇزۋ اعىسىنىڭ باعىتىن انىقتايدى.
تەڭىز سۋى مەن ونداعى تىرشىلىك يەلەرىنەن سىناما الىنىپ، جان-جاقتى تەكسەرىس جۇرگىزىلەدى.
«بۇل جوبا كاسپيدەگى ەكولوگيالىق قاۋىپتىڭ الدىن الۋعا جانە تەڭىزدەگى بالىق قورىن مولايتۋعا مۇمكىندىك بەرەدى» دەيدى عالىمدار.
«تەحنوگەندى اپاتتار بولعان جاعدايدا عانا جينالىپ، عالىمدار شاقىرىلىپ، سونىڭ ءبىر قورىتىندىسى عانا ايتىلىپ كەتەتىن. ال تەڭىزدىڭ كۇندەلىكتى تىنىس-تىرشىلىگىن جۇرگىزىپ وتىراتىن، زەرتتەپ وتىراتىن ورتالىق جوق. وسىعان بايلانىستى وسى جوبا قولعا الىنىپ، قازىر ءوز جۇمىسىن باستاپ كەتتى. الداعى 3 جىل ىشىندە وسى دەڭگەيدە ءبىر زەرتتەۋلەر جۇرگىزىپ، وسى ماڭعىستاۋ ولكەسىنىڭ، ەلىمىزدىڭ بالىق شارۋاشىلىعىن كوركەيتۋگە، كوبەيتۋگە بارىمىزدى سالامىز دەپ جوسپارلاپ وتىرمىز»، - دەدى Yessenov ۋنيۆەرسيتەتى رەكتورىنىڭ عىلىمي جۇمىستار جونىندەگى ورىنباسارى ەرمەك نۇرماعانبەت.