عالامدى زەرتتەۋگە ارنالعان وبسەرۆاتوريا بايقوڭىردان ۇشىرىلادى
ايتا كەتەيىك، «سپەكتر-رگ» وبسەرۆاتورياسىن ۇشىرۋ 21- ماۋسىمنان 12- شىلدەگە قالدىرىلعان بولاتىن. ويتكەنى، دايىندىقتىڭ سوڭعى ساتىسىندا ءبىر رەتتىك حيميالىق توك كوزدەرىنىڭ ءبىرىنىڭ ىسكە قوسۋ تسيكلوگرامماسىنان اقاۋ تابىلعان ەدى.
رەسەيلىك ب ا ق مالىمەتىنشە، زىمىراندى ۇشىرۋعا دايىنداۋ كەزىندە تسيكلوگرامماداعى قاتەلىكتەن عارىش اپپاراتىنىڭ قىزدىرعىشى ۋاقىتىنان بۇرىن قوسىلىپ، سالدارىنان حيميالىق توك كوزى «وتىرىپ قالعان».
توك كوزى ءبىر رەت قانا پايدالانۋعا جارايتىندىقتان، ونى الماستىرۋ ءۇشىن زىمىراندى مونتاجداۋ- سىناق كورپۋسىنا قايتارۋعا تۋرا كەلدى. بايقوڭىر عارىش ايلاعىندا ماماندار وبسەرۆاتوريانىڭ ساپارىن كەيىنگە قالدىرۋعا سەبەپ بولعان بارلىق اقاۋدى جويدى.
ودان بولەك، تسيكلوگرامما دا تۇزەتىلگەن. «پروتون-م» زىمىران تاسىعىشى 12- شىلدە كۇنى، جەرگىلىكتى ۋاقىتپەن ساعات 17:31 دە ۇشىرىلادى دەپ جوسپارلانىپ وتىر.
«سپەكتر-رەنتگەن-گامما» («سپەكتر-رگ») وبسەرۆاتورياسى - رەسەي مەن گەرمانيا بىرىگىپ ىسكە اسىرىپ وتىرعان حالىقارالىق جوبا. ونىڭ ماقساتى - عالامدى رەنتگەن دياپازونىندا زەرتتەۋگە ارنالعان وربيتالىق استروفيزيكالىق وبسەرۆاتوريا قۇرۋ.