جۋرناليستەر ءدىني تاقىرىپتا ءار اقپاراتقا مۇقيات بولعانى ابزال - ساراپشى

الماتى. قازاقپارات - الماتىدا ءدىن تاقىرىبىندا جازاتىن جۋرناليستەرگە ارنالعان سەمينار ءوتىپ جاتىر، دەپ حابارلايدى قازاقپارات ءتىلشىسى.

«ق ر لاڭكەستىك جانە ەكسترەميزم ماسەلەرىن زەرتتەۋ ورتالىعى» ق ق مەن الماتى قالالىق قوعامدىق دامۋ باسقارماسىنىڭ قولداۋىمەن ب ا ق-تا ءدىني تاقىرىپتاردى جاريا ەتۋدىڭ نىساندارى مەن ادىستەرى جونىندە جۋرناليستەرگە ارنالعان وقىتۋ سەمينارىنىڭ باعدارلاماسى اۋقىمدى. ب ا ق وكىلدەرىنە ارنالعان شارادا ماماندار جۋرناليستەرگە مەيىلىنشە قاجەتتى اقپاراتتارمەن بولىسۋگە تىرىستى. ب ا ق مەملەكەت پەن قوعامنىڭ باعا جەتپەس كۇشى ەكەنىن ەسكەرتتى.

«قازىرگى تاڭدا الەم بويىنشا ب ا ق وكىلدەرىنە دەگەن سۇرانىس جوعارى. سەبەبى، ساياساتتا، قوعامدا، قاراپايىم كۇندەلىكتى ومىردە دە تىلشىلەردىڭ الاتىن ورنى ەرەكشە. باتىس ەلى ولاردى بارىنشا قۇرمەتتەپ جانە سول جۋرناليستەر ارقىلى كوزدەگەن ماقساتتارىنا جەتەدى. تىلشىلەردى قوعامنىڭ مىقتى قارۋى دەپ سانايدى. قازىر دۇنيەجۇزىندە «اقپارات سوعىسى» ءجۇرىپ جاتىر. ب ا ق- تى بيلىككە قارسى پايدالانۋ ۇردىسكە اينالدى. سوندىقتان وسى سالادا جۇرگەن ماماندار ءار اقپاراتقا مۇقيات بولعانى ابزال»، - دەيدى ءدىن ىستەرى جونىندەگى كوميتەتتىڭ رەسپۋبليكالىق اقپاراتتىق- تۇسىندىرمە توبىنىڭ ساراپشىسى رۋسلان يرجانوۆ.

ساراپشى-مامان اقپارات تارتاۋدىڭ ونداعان ءتۇرىن مىسالعا كەلتىردى. كەز-كەلگەن مەملەكەتتىڭ وزىندىك ۇستانعان پوزيتسياسى بار. سوڭعى جىلدارى سەنساتسيالىق اقپارات تاراتۋ بەلەڭ الىپ بارادى. حالىق اراسىندا ۇرەي تۋدىراتىن، جاعىمسىز جاڭالىقتىڭ تارالۋى ۇزاققا بارمايدى. دەسەكتە، سول ءۇش كۇننىڭ ىشىندە الەمدى دۇرلىكتىرۋگە شاماسى جەتەدى. شىندىققا جاناسپايتىن اقپاراتتى «قاۋەسەت» دەپ اتايدى.

«اقپارات كەڭىستىگىندە «رۋمولوگيا» دەگەن ۇعىم بار. ونىڭ ءۇش پارامەترى بولادى. 1- جالعان اقپاراتتىڭ تەز تارالۋى، 2 - اقپاراتتى بۇرمالاۋ فاكتورى، 3 - حالىقتى تولىق قامتۋ. سىزدەرگە ءبىر مىسال كەلتىرەيىن. ءبارىمىزدىڭ ەسىمىزدە «2011 -جىلى شىمكەنتتە كىشكەنتاي بالالاردى قۇرباندىققا شالادى»، - دەگەن اقپارات تارادى. بۇل قۇربان ايت مەرەكەسى كۇنى تاراعان وسەك. حالىق شوشىپ قالدى. بالالارىن ۇيدەن شىعارماۋعا تىرىستى. كەيىن ب ا ق وكىلدەرى بۇل اقپاراتتىڭ شىندىققا جاناسپايتىنىن جارىسا جازدى. دەسەكتە، حالىق اراسىندا رەزونانس تۋدى. دەمەك، تەرىس پيعىلدى ادامدار كوزدەگەن ماقساتتارىنا جەتتى. تۇرعىنداردى دۇرلىكتىردى. مىنە، اقپاراتتىڭ وسىنداي ءتۇرى دە بار»، - دەيدى ساياساتتانۋشى رۋسلان يرجانوۆ.

ب ا ق وكىلدەرى مەن بلوگەرلەرگە ارنالعان وقىتۋ سەمينارىندا تىلشىلەر قاۋىمى ەكستەرميزم مەن تەرروريزمگە قارسى اقپاراتتىق ءىس قيمىل بويىنشا قويىلعان ساۋالدارىنا تولىق جاۋاپ الدى. ۇيىمداستىرۋشىلار مەن ماماندار كەز-كەلگەن اقپاراتتى تاراتپاس بۇرىن ەڭ الدىمەن ونىڭ راستىعىنا جانە قانداي ماقساتتا ەكەنىن بىلۋگە كەڭەس بەردى.

اۆتورى: الما مۇقانوۆا