قازاقستاننىڭ ەكى وڭىرىندە اۋا رايىنا بايلانىستى ەسكەرتۋ جاريالاندى

4 - شىلدەدە سولتۇستىك قازاقستان وبلىسىنىڭ كەي جەرلەرىندە كۇن كۇركىرەپ، تۇمان تۇسەدى. داۋىل تۇرىپ، بۇرشاق جاۋادى. وڭتۇستىك- باتىستان سوعاتىن جەل سولتۇستىك- باتىسقا اۋىسادى. كەي جەرلەردە جەل ەكپىنى 15-20 م/س دەيىن كۇشەيەدى. وسى كۇنى پەتروپاۆل قالاسىندا نايزاعاي ويناپ، كۇندىز داۋىل تۇرادى. بۇرشاق جاۋادى.

وڭتۇستىك- باتىستان سوعاتىن جەل سولتۇستىك- باتىسقا اۋىسادى. كۇندىز جەل ەكپىنى 15-20 م/س جەتەدى. 4 - شىلدەدە قوستاناي وبلىسىنىڭ كەي جەرلەرىندە نايزاعاي جارقىلدايدى، تۇمان تۇسەدى. سولتۇستىك- باتىستان جانە باتىستان جەل سوعادى. جەلدىڭ كۇشى 15-20 م/س دەيىن قارقىندايدى. وسى كۇنى قوستاناي قالاسىندا سولتۇستىك- باتىستان جانە باتىستان كۇشتى جەل سوعادى. جەل جىلدامدىعى سەكۋندىنا 18 مەترگە جەتەدى.