اقتوبەنىڭ ۇزدىك ستۋدەنتى ۆيرتۋالدى الەمنىڭ ەڭ سۇلۋ ارۋى اتاندى

21 جاستاعى ستۋدەنت مارات وسپانوۆ اتىنداعى باتىس قازاقستان مەديتسينا ۋنۆەرسيتەتىنىڭ Ⅲكۋرسىن ءتامامداعان. ۇزدىك ستۋدەنت بولاشاقتا كوز دارىگەرى بولۋدى ارماندايدى دەپ حابارلايدى وڭىردەگى KAZ. NUR. KZ ءتىلشىسى.

اقتوبە قالالىق جاستار رەسۋرستىق ورتالىعىنىڭ ۇيىمداستىرۋىمەن وتكەن «ميسس ۆيرتۋال اقتوبە-2019» سۇلۋلىق بايقاۋى سالتاناتتى تۇردە قورىتىندىلاندى. سايىسقا 18-25 جاس ارالىعىنداعى قىز بالالار قاتىستى.

جەڭىمپاز ارۋ سۇلۋلىق بايقاۋىنىڭ نەگىزگى ماقساتىن ءتۇسىندىردى.

«بايقاۋ تالاپتارىن كورىپ، باعىمدى سىناۋعا بەل بۋدىم. فوتونى جەلىدە جاريالاۋ، ۇيىمداستىرۋشىلارمەن فوتوسەسسيا جاساۋ تالاپتارى ورىندالدى. سۇلۋلىق بايقاۋىنىڭ ماقساتى-جاستاردىڭ اراسىندا گۋمانيستىك كوزقاراستى قالىپتاستىرۋ، ەستەتيكالىق تالعامعا ۇيرەتۋ بولاتىن. سايىستا باس جۇلدەنى يەلەندىم. جەلىدە ماعان قولداۋ بىلدىرگەن دوستارىما العىس ايتامىن»، - دەيدى ناعيما جاكەش.

ستۋدەنت اقتوبە وبلىسى ىرعىز اۋدانى ءتاۋىپ اۋىلىنىڭ تۋماسى.

شالعاي اۋىلدا مەكتەپتى ۇزدىك بىتىرگەن ول ەڭ ەليتالىق ۋنيۆەرسيتەتتەن جوعارى بال جيناپ، گرانت يەگەرى اتانعان. بوس ۋاقىتىندا جۇمىس ىستەيدى.

«قازىرگى ۋاقىتتا توي ورتالىقتارىندا كوورديناتور بولىپ قوسىمشا جۇمىس ىستەيمىن. دەمالىس كۇندەرى تويعا شىعامىز. اتا-انام اۋىلدا شارۋاشىلىقپەن اينالىسىپ وتىرعان كاسىپكەر. ەڭبەك ەتۋ كەرەك. اقشانى ماڭداي تەرىڭمەن تاپساڭ، ونى ىسىراپ قىلماي جۇمساۋدى ۇيرەنەسىڭ»، - دەيدى ول.