الماتىدا جولاۋشىلار اۆتوبۋسى كوپىردەن قۇلادى: ءبىر ادام زارداپ شەككەن
الماتى. قازاقپارات - الماتىدا جولاۋشىلار اۆتوبۋسى كوپىردەن قۇلادى: ءبىر ادام زارداپ شەككەن. ونىڭ ۆيدەوسى Instagram جەلىسىندە جاريالاندى، دەپ حابارلايدى قازاقپارات ءتىلشىسى.
جول اپاتى ساين - رايىمبەك داڭعىلدارىنىڭ قيىلىسىنداعى جولايرىقتا بولعان. قازىر وقيعانىڭ ەگجەي-تەگجەيى انىقتالىپ جاتىر.
الماتى دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ مالىمەتىنشە، وڭ قولى اۋىراتىنىن ايتىپ ءبىر ادام مەديتسينالىق كومەككە جۇگىنگەن.
«تۇركىستان وبلىسىنىڭ تۇرعىنى №7 -قالالىق اۋرۋحاناعا جەدەل جاردەممەن جەتكىزىلدى. وعان شۇعىل مەديتسينالىق كومەك كورسەتىلدى. قازىر ول امبۋلاتورلىق ەمدەۋگە جىبەرىلدى»، - دەيدى الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى قانات توسەكبايەۆ.