الماتى وبلىسىندا ءبىر جىل بويى سوتتان قاشىپ جۇرگەن جۇرگىزۋشى ۇستالدى

ءوڭىردىڭ پوليتسەيلەرى ىزدەۋ جاريالانعان 29 جاستاعى جىگىتتى قىستاقتاردىڭ بىرىندە قولعا ءتۇسىردى، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 2018 -جىلدىڭ كۇز ايىندا ىلە اۋدانىندا جول-كولىك وقيعا بولعان. سالدارىنان كولىكتەگى جولاۋشى، 50 جاستاعى ەر ادام كوز جۇمعان. ال كولىكتىڭ جۇرگىزۋشىسى الماتى قالاسىنىڭ تۇرعىنى بولعان. ول تەرگەۋ بارىسىندا قولحاتپەن جىبەرىلگەن. ءبىراق 29 جاستاعى ازامات سوتقا كەلمەي، قاشىپ جۇرگەن. سوڭىندا جاۋاپكەرشىلىكتەن قۇتىلماق بولعان كولىك جۇرگىزۋشىگە ىزدەۋ جاريالاندى.

«ىزدەۋ جۇمىستارى ىلە اۋدانىندا كەڭ كولەمدە ۇيىمداستىرىلدى. ىزدەۋ جاريالانعان ادامنىڭ مەكەن-جايى انىقتالدى. ول شالعايداعى قىستاقتاردىڭ بىرىندە جاسىرىنعان. ال وسى ۋاقىتقا دەيىن كۇدىكتىنىڭ كولىگى ارنايى تۇراقتا تۇردى. قازىر ۇستالعان كولىك جۇرگىزۋشى ىلە اۋدانىنىڭ پوليتسياسىنا جەتكىزىلىپ، قاماۋعا الىندى»، دەپ مالىمدەدى اتالعان ۆەدومستۆو قىزمەتىنەن.

جاقىن كۇندەرى ادام ولىمىمەن اياقتالعان جول كولىك وقيعاسىنا كىنالى ادامنىڭ ءىسى سوتقا جىبەرىلەدى.

«ەندى ول وسى ۋاقىت بويى جاۋاپكەرشىلىكتەن قاشقانى ءۇشىن دە زاڭ الدىندا جاۋاپ بەرەدى»، دەپ تولىقتىردى وبلىستىق پوليتسيا دەپارتامەتىنىڭ پوليتسەيلەرى.