قازاقستاندا جەتىمدەر ءۇيىنىڭ سانى قىسقاردى

بۇل تۋرالى حالىقپەن ەسەپ بەرۋ كەزدەسۋىندە ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

«رەسپۋبليكامىزدا 6 ميلليونعا جۋىق بالا بار. ونىڭ ىشىندە 2 ميلليونى مەكتەپكە دەيىنگى جاستا، 3 ميلليوننان استامى مەكتەپ جاسىندا، 500 مىڭى 18 جاسقا دەيىنگى وقۋداعى جاستار. سولاردىڭ اراسىنا 24926 سى جەتىم بالالار مەن اتا اناسىنىڭ قامقورلىعىنسىز قالعاندار»، - دەدى مينيستر.

ب ع م مالىمەتىنە قاراعاندا، 19934 بالا قامقورلىققا، پاتروناتتىق تاربيەگە الىنعان، سونداي-اق اسىراپ العان وتباسىلاردىڭ تاربيەسىنە بەرىلگەن.

4992 جەتكىنشەك بالالار ۇيىندە، ينتەرناتتا، دەنساۋىق ساقتاۋ جۇيەسىندەگى بالالار ۇيىندە تۇرىپ جاتىر.

«قابىلدانعان شارالاردىڭ ارقاسىندا 2016-جىلدان باستاپ ينتەرناتتىق ۇيىمداردا جەتىمدەر سانى 31 پايىزعا (2016-جىلى- 7236،  2019-جىلى- 4992) ازايدى.

ال بالالار ۇيلەرىنىڭ سانى 20 پايىزعا قىسقاردى. ياعني، 2016-جىلى 140 بولسا، 2019-جىلى 112 گە دەيىن تومەندەدى»، - دەدى ا. ايماعامبەتوۆ.