قاتتى قايعىرعان وتباسى وزگە بىرەۋدىڭ بالاسىن جەرلەپ تاستاعان

 بۇل تۋرالى The Mirror باسىلىمى حابارلايدى.

 19 - ساۋىردە ەليس كيناك پەن توني الاگالاكتىڭ جاڭا تۋعان نارەستەسى قالالىق اۋرۋحاناعا اۋىر جاعدايدا جەتكىزىلگەن. وكىنىشكە وراي، دارىگەرلەر ونىڭ ءومىرىن قۇتقارا الماپتى. ارادا بىرنەشە كۇن وتكەننەن كەيىن نارەستەنىڭ ءمايىتى اتا- اناسىنا تابىستالعان.

 15 - مامىردا دارىگەرلەر قايعى جامىلعان وتباسىعا حابارلاسىپ، اۋرۋحانا قىزمەتكەرلەرىنىڭ شاتاسىپ، ولارعا وزگە بىرەۋدىڭ ءسابيىنىڭ ءمايىتىن بەرىپ جىبەرگەنىن ايتادى. ولار وقيعانىڭ ءمان- جايىن انىقتاۋ ءۇشىن، جەرلەنگەن نارەستەنىڭ ءمايىتىن قازىپ الۋ كەرەكتىگىن ايتىپتى.

«بولعان وقيعاعا كىمنىڭ كىنالى ەكەنىن جانە مۇنداي جاعدايدىڭ قالاي ورىن العانىن بىلگىم كەلەدى» ، - دەيدى الاگالاك.

ال اۋرۋحانا وكىلدەرى وقيعاعا قاتىستى پىكىر بىلدىرمەدى.