مۇرات ابەنوۆ: بۇل سايلاۋ قازاق تىلىنە دەگەن سۇرانىستىڭ وسكەنىن كورسەتتى

ونىڭ ايتۋىنشا، سايلاۋ الدىنداعى ۇگىت- ناسيحات جۇمىستارى كەزىندە رەسمي شارالارعا قاراعاندا بەيرەسمي شارالار ۇتىمدى بولعان.

 «الەۋمەتتىك جەلىنى پايدالانعاندار ۇتىمدى جۇمىس ىستەپ، كوپ قولداۋشى تاپتى. ءتۇرلى جيىندار وتكىزىپ، ءداستۇرلى تەحنولوگياعا يەك ارتىپ، اكىمشىلىك رەسۋرستارعا سەنگەندەردەن قاراعاندا سولاردىڭ جۇمىسى ءتيىمدى بولىپ جاتتى. ءبىز سونىڭ ءبارىن بارىنشا تاۋەلسىز كوزقاراسپەن تالداۋعا تىرىستىق»، - دەدى مۇرات ابەنوۆ.

قوعام بەلسەندىسى سايلاۋ الدىنداعى ۇگىت جۇمىستارىندا بۇرىنعى سايلاۋلارعا قاراعاندا قازاق ءتىلىنىڭ ۇلەسى باسىم بولعانىن جەتكىزدى.

 «ەل اراسىندا كانيداتتار سايلاۋدان كەيىن بەرگەن ۋادەلەرىن ۇمىتىپ كەتپەسە ەكەن دەگەن تىلەك كوپ ايتىلدى. تاعى ءبىر ەرەكشە اتاپ وتەرلىك دۇنيە، ۇگىت- ناسيحات جۇمىستارىندا قازاق ءتىلىنىڭ ۇلەسى ارتقانى انىق كورىندى. كەيبىر پارتيالار مەن ۇيىمدار وعان دايىن بولماي شىقتى. مۇنىڭ ءبارى اسىرەسە سايلاۋ ناۋقانىنىڭ اياعىنا قاراي انىق بايقالدى»، - دەيدى ازاماتتىق پلاتفورما وكىلى.

ايتا كەتەيىك، «امانات» ازاماتتىق پلاتفورماسى سايلاۋ كۇنىندەگى جۇمىستارىنىڭ ارالىق قورىتىندىسىمەن بولىسكەن بولاتىن.

اۆتور: ەسىمجان ناقتىباي