قازاقستان استاناسى دۇنيەجۇزىلىك توقىما توقۋ كۇنىن مەرەكەلەۋگە قاتىسادى

بۇگىندە اتالمىش شارا الەمنىڭ كوپتەگەن مەملەكەتتەرىندە جىل سايىن اتالىپ وتەدى. توقۋمەن اينالىساتىن ادامدارعا قولداۋ كورسەتۋگە باعىتتالعان شارا نۇر- سۇلتان قالاسىنىڭ مادەنيەت جانە سپورت قالاسىنىڭ باسقارماسىمەن ۇيىمداستىرىلادى جانە پيكنيك تۇرىندە وتەدى. وتكىزۋ ۋاقىتى - ساعات 15:00-18:00.

فەستيۆالگە بىزبەن جانە ىلگەكپەن توقي الاتىن، توقۋدى ۇيرەنگىسى كەلەتىن ەلوردا تۇرعىندارى مەن قوناقتارى شاقىرىلادى. توقۋ ونەرىن ەندى عانا مەڭگەرەتىن جاندار ءۇشىن توقۋ، ءيىرۋ جانە كيىز باسۋدان تەگىن شەبەرلىك ساباقتارى ۇيىمداستىرىلادى. شارا بالالار ءۇشىن دە، ەرەسەكتەر ءۇشىن دە بىردەي قىزىقتى بولادى.

بۇدان باسقا، شارا بارىسىندا قوناقتار اشىق اسپان استىندا وتەتىن يوگا جانە سامبا-jumping ساباقتارىنا قاتىسا الادى. الاڭدا كىتاپ وقۋعا قۇمار جاندار ءۇشىن اتكەنشەكتەر ورناتىلادى، سەلفي جاساۋعا ارنالعان ايماقتار جاسالادى، ءتۇرلى كونكۋرستار مەن كونتسەرتتىك باعدارلاما وتكىزىلەدى.

شاراعا مۇمكىندىگى شەكتەۋلى جانداردى جانە پسيحوالەۋمەتتىك دامۋى بۇزىلعانداردى تارتۋعا باسا نازار اۋدارىلادى. فەستيۆالدىڭ نەگىزىن قالاۋشى راحيما مۋكۋشيەۆانىڭ «Bergen» شەبەرحاناسىندا بۇگىندە 14 ادام ەڭبەك ەتەدى، ونىڭ ىشىندە 11- ءى - حالىقتىڭ الەۋمەتتىك وسال توپتارىنا جاتادى. توقۋ ارقىلى ولار اقشا تاۋىپ، نيەتتەس ادامدارمەن قارىم- قاتىناس ورناتادى. قولونەر تەراپيا ىسپەتتى ادامنىڭ جانىن تىنىشتاندىرىپ، قيىندىقتاردى ەڭسەرۋگە كومەكتەسەدى.

ايتا كەتەيىك، توقۋ فەستيۆالىنە قاتىسۋشىلار قايىرىمدىلىق شاراعا دا ۇلەس قوسادى. ولار مەرزىمىنەن بۇرىن تۋعان سابيلەرگە كيىم توقيدى جانە ءوز قولدارىمەن جاساعان بۇيىمدارىن ونكولوگيالىق اۋرۋلارعا شالدىققان بالالارعا تارتۋ ەتە الادى. شەبەرلىك سىنىپتارى بارىسىندا قولونەرشىلەر ولشەمى 15*15 س م قۇرايتىن ءتۇرلى ءتۇستى شارشىلار توقىپ، ولاردى ءبىر- بىرىنە قوسىپ، ۇلكەن جامىلعىلار جاسايدى. بۇل بۇيىمدار دا پەرزەنتحانالارعا تابىستالادى.

 ادامدار كوپ ۋاقىتىن پلانشەت پەن كومپيۋتەردىڭ الدىندا وتكىزەتىن بۇل زاماندا توقۋ فەستيۆالى سىندى شارالاردىڭ الەۋمەتتىك ماڭىزدىلىعى وتە زور. وعان قاتىسۋشىلار توقۋدىڭ نەگىزگى داعدىلارىن مەڭگەرىپ، ونى ارى قاراي دامىتا الادى. كوپشىلىك الدىندا توقۋ ا ق ش، انگليا، فرانسيا، شۆەتسيا، فينليانديا، نورۆەگيا، ەستونيا جانە باسقا دا مەملەكەتتەردە كەڭىنەن ناسيحاتتالادى.