امەريكالىق قارجىگەرلەر قازاقستانمەن ىنتىماقتاستىق ورناتۋعا نيەتتى
اريزونادان ات تەرلەتىپ كەلگەندەر تاۋ- كەن ونەركاسىبى، اەروعارىش، اۋىل شارۋاشىلىعى جانە ءبىلىم بەرۋ سالالارىندا قارىم- قاتىناستى كەڭەيتىپ، مىقتاي تۇسپەك. شەتەلدىك دەلەگاتسيانى باستاپ كەلگەن وكىلدەر پالاتاسىنىڭ ءتوراعاسى راسسەل ءباۋەرستىڭ ايتۋىنشا، ەكى ەل اراسىنداعى ساۋدا- ساتتىق 90 -جىلدارى قارقىن العان، ءبىراق ۋاقىت وتە كەلە الىس- بەرىس، بارىس- كەلىس ءبىراز باسەڭدەگەن. ەندى كاسىپكەرلەر ەكى مەملەكەت اراسىنداعى سول بايلانىستى قالپىنا كەلتىرۋگە ءۇمىتتى.
راسسەل باۋەرس، اريزونا شتاتى وكىلدەر پالاتاسىنىڭ سپيكەرى: - ءبىز سان سالادا ۇزدىك تەحنولوگيالار ەنگىزۋدى ۇسىنامىز. اسىرەسە، اۋىل شارۋاشىلىعىندا ءبىزدىڭ تىڭ يننوۆاتسيالاردى قولدانۋ مۇمكىندىگىن قاراستىرعان ءجون. ويتكەنى ەكى ەلدىڭ كليماتى بىردەي. ال ءبىلىم بەرۋ سالاسىندا ءبىز قازاقستاندىق جوبالاردى قارجىلاندىرۋعا دايىنبىز.
