قانات ءالجاپپاروۆ ايتىسقا قاتىسقانى ءۇشىن تانىمال اقىنداردان وڭباي ءسوز ەستىگەن

 نۇر- سۇلتان. قازاقپارات - ازلىكەش قانات ءالجاپپاروۆ ايتىسقا شىققانى ءۇشىن ءبىرقاتار ايتىسكەرلەردەن ءسوز ەستىگەنىن ەسىنە الدى. تانىمال ازىلكەشكە ءبىرىنشى بولىپ رينات زايىتوۆ رەنىشىن جەتكىزگەن.

ءالجاپپاروۆ كەزىندە شوۋ- ايتىسقا قاتىسامىن دەپ ەلدىڭ قاتاڭ سىنىنا ۇشىراعان. وسى ءۇشىن ءتىپتى، ازىلكەشكە تانىمال ايتىسكەر اقىندار «قازاقتىڭ ءتول ونەرىن قورلادىڭ» دەپ كەيىگەن.

"ايتىسقا شىققانىمىز سوراقىلىق بولدى دەپ ايتۋعا بولادى. وتە ۇيات ءارى حيت بولدى. مەن ىستەگەنىمدى ەشكىم ىستەي المايدى. ماعان سارامەن ايتىساسىڭ دەدى. باقىتجان قويمادى: "قانات ءوزىمىز دايىندايمىز" دەپ. ءبىز سوزدەردى كۇشتى جازدىق. ونى مەن اقىندارعا جازدىرتقان جوقپىن. سوزدەردى تولىعىمەن ءبىزدىڭ تەاتردىڭ اۆتورلارىنا جازعىزدىم. ولار دا اقىن ەمەس. ءبىراق ۇيقاستىرىپ جىبەرەيىك دەپ جازدى.

ايتىس ەفيرگە ءتورتىنشى قاڭتار كۇنى شىقتى. بەسىنشى قاڭتار كۇنى مەنى بۇكىل تەليەۆيدەنيە ىزدەپ ءجۇر عوي. "الجاپپاروۆ قايدا؟ جەلكەسىن قيامىز " دەپ. امانجول التايەۆ پەن رينات زايىتوۆ دەگەن كىسىلەر ماعان وتە قاتتى ايقايلادى. ۇرىسىپ، "قازاقتىڭ ءتول ونەرىن قورلادىڭ" دەدى. "ءالجاپپاروۆ نەگە ساحناعا شىقتى؟ " دەپ ايتتى. كۇشتى ادامداردان ءسوز ەستىدىم» ، - دەيدى ازىلكەش.

ءالجاپپاروۆ ورىن العان جاعدايدان كەيىن ايتىستى قويماي، ساحناعا قايتادان ەكىنشى مارتە شىققان.

"سودان كەيىن ۇيالماي ايتىسقا ەكىنشى رەت شىقتىم عوي. حيت بولادى دەپ ويلاعانبىز. باسپەن ادەمى قادالعان سوڭ، قويدىق. ايتىسكەر اقىندار وتە قاتتى ۇرىستى. ءبىرىنشى بولىپ، رينات زايىتوۆ ۇرىستى. ەندى ول كىسىلەر ناعىز ايتىس جاناشىرلارى عوي. ءاربىر سوزدەرى ورىندى. ولارمەن ۇرىسپادىق، كەشىرىم سۇراپ جۇرە بەردىك.

رينات: «الىپپەدەن باسقا كىتاپ وقىماعان ءالجاپپاروۆتى ايتىسقا شىعارۋ دەگەن ماسقارا» دەدى. ونىڭ ايتاتىن ءجونى بار ەندى. ايتىستى ايتقان كەزدە جامان قورقامىن. ايتىسكەر اقىنداردىڭ ءبىر ريزا بولعانىم، حالىق الدىندا بەدەلى وتە جوعارى ەكەن» ، - دەيدى ءالجاپپاروۆ.