مايداندا قازا تاپقان اتىراۋلىق جاۋىنگەردىڭ سۇيەگى تۋعان اۋىلىنا جەرلەنەدى

اتىراۋداعى جەڭىس ساياباعىندا ەكىنشى دۇنيەجۇزىلىك سوعىستا قازا تاپقان جاۋىنگەرمەن قوشتاسۋ ءراسىمى ءوتتى، دەپ حابارلايدى قازاقپارات.

1940 -جىلى 20 جاسىندا گۋريەۆ وبلىسىنىڭ بۇرىنعى نوۆوبوگات اۋدانىنىڭ (قازىرگى يساتاي اۋدانى) تۇرعىنى بەيسەنعالي (بيسەش) مالدىبايەۆ اسكەرگە شاقىرىلعان. 1941 -جىلى، پولك مەكتەبىن بىتىرگەننەن كەيىن سەرجانت مالدىبايەۆ ەستونيانىڭ سسر اۋماعىنا 268- اتقىشتار ديۆيزياسى قۇرامىنا جىبەرىلدى. كەيىن لەنينگراد وبلىسىندا، كولپينو ماڭىنداعى شايقاستا بولعان. بيسەش مالدىبايەۆ توسنا وزەنىندەگى شايقاستاردا قازا بولدى.

جەرلەسىمىزدىڭ سۇيەگىن شايقاستاردا قازا بولعان جاۋىنگەرلەردى ىزدەۋمەن اينالىساتىن «گورياچيي سنەگ» توبىنىڭ ەرىكتىلەرى تاپتى. جاۋىنگەردىڭ موينىنداعى تۇمارىندا (كاپسۋلا) ول تۋرالى دەرەكتەر ساقتالعان. 77 جىلدان كەيىن ونىڭ سۇيەگى تۋعان جەرىندە جەتكىزىلىپ، جەرلەنەدى.

«سوعىستا قازا تاپقان ميلليونداعان جاۋىنگەرلەر، حابار-وشارسىز كەتكەن قانشاما ادام قانشاما. مىڭداعان قازاقستاندىقتار، ونىڭ ىشىندە اتىراۋ تۇرعىندارى قازا تاپتى. ءبىزدىڭ وتانداستارىمىزدىڭ 25 مىڭى شايقاس الاڭىندا قالدى. كوپتەگەن ادامداردىڭ تاعدىرى بەلگىسىز. ولاردى ەستەن شىعارماۋىمىز قاجەت. قازىر ىزدەستىرۋ توپتارىنىڭ، ەرىكتىلەردىڭ ارقاسىندا ءبىزدىڭ جاۋىنگەرلەرىمىزدىڭ ەسىمدەرى مەن سۇيەكتەرى ەلىنە جەتكىزىلدى. ولارعا العىسىمىز شەكسىز»، - دەدى وبلىس اكىمى نۇرلان نوعايەۆ.

ول جاۋىنگەرلەردىڭ ەسىمدەرىن ەستە ساقتاۋدىڭ ماڭىزدىلىعىن اتاپ ءوتتى.

بەيسەنعالي مالدىبايەۆتىڭ سۇيەگىن تۋعان جەرىنە قايتارىلادى. ولار جاۋىنگەردىڭ دەنەسىمەن قوسا ونىڭ پالتوسىنىڭ بولىگىن تاپتى، ول «لەنينگرادتى قورعاعانى ءۇشىن» مەدالىمەن ماراپاتتالعان. مارقۇمنىڭ تۋىستارىنىڭ ايتۋىنشا، ءۇش باۋىرى مايدانعا اتتانعان، ولار: كەنجالي، بەردىعالي، بەيسەنعالي. ولاردىڭ اناسى ءجامىش مالدىبايەۆا 1957 -جىلى قايتىس بولعانعا دەيىن، جوعالعان بالالارىن ىزدەۋمەن اينالىستى، ءتۇرلى مەكەمەلەرگە حاتتار مەن وتىنىشتەر جىبەرىپ كەلگەن.

بيىل كوكتەمدە، كەنجالي ۋكراينانىڭ دنەپروپەتروۆسك قالاسىنىڭ ماڭىنداعى سوشينو اۋىلىنداعى باۋىرلاستار زيراتىندا جەرلەنگەنى بەلگىلى بولدى. بەيسەنعاليدىڭ كومىلگەن جەرى لەنينگراد وبلىسىنىڭ كولپينسك اۋدانىنداعى ۋست-توسنەنسك ستانساسىنىڭ جانىنان تابىلدى. بەردىعالي تۋرالى ازىرگە ەشقانداي اقپارات جوق.

جەڭىس ساياباعىندا سالتاناتتى راسىمنەن كەيىن جاۋىنگەردىڭ سۇيەكتەرى يساتاي اۋدانىنداعى حاميت ەرعاليەۆ اۋىلىنا، تۋعان جەرىنە جەرلەنەدى.