عالىمدار جۇمىرتقانىڭ ادام ولىمىنە دەيىن اپاراتىن زيانىن ايتتى

نۇر- سۇلتان. قازاقپارات - امەريكالىق عالىمدار جۇمىرتقانى كوپ جەۋ جۇرەك- قانتامىر اۋرۋلارى مەن مەرزىمىنەن بۇرىن قايتىس بولۋ قاۋپىن جوعارىلاتادى دەگەن قورىتىندىعا كەلدى.

زەرتتەۋشىلەر 31 جاستاعى 30 مىڭ ادامنىڭ ءومىر سالتى مەن تاماقتانۋىن زەرتتەپ كوردى. كوپتەگەن مولشەردە تۇتىنىلعان جۇمىرتقا قۇرامىنداعى حولەستەرين ادام دەنساۋلىعىنا كەرى اسەرىن تيگىزەدى. ا ق ش- تا ءبىر ادام ورتا ەسەپپەن 2012 -جىلى 254 جۇمىرتقا، ال 2017 -جىلى 279 جۇمىرتقا جەگەن. سونىمەن قاتار، دارىگەرلەردىڭ ديەتيكالىق ۇسىنىستارى جۇمىرتقانى تۇتىنۋ مولشەرىن بەلگىلەمەيدى.

باستاپقى دەڭگەيدەن جوعارى تۇتىنىلاتىن ءاربىر 300 ميلليگرامم حولەستەرين جۇرەك- تامىر اۋرۋلارىنىڭ قاۋپىن 17 پايىزعا جانە مەرزىمىنەن بۇرىن ءولىم قاۋپىنىڭ 18 پايىزعا ۇلعايۋىنا اكەپ سوعادى. عالىمداردىڭ ايتۋى بويىنشا، اپتاسىنا بىرنەشە جۇمىرتقا جەۋگە بولادى، ويتكەنى بۇل ءونىم قۇرامىندا قورەكتىك زاتتار دا بار، ءبىراق كۇندەلىكتى جەمەۋ كەرەك.

ا ق ش- تىڭ اۋىل شارۋاشىلىعى دەپارتامەنتىنىڭ مالىمەتى بويىنشا، ءبىر ۇلكەن جۇمىرتقانىڭ قۇرامىندا شامامەن 200 م گ حولەستەرين بار. 2015 -جىلعا دەيىن دارىگەرلەر دەنەدەگى حولەستەريندى كۇندەلىكتى تۇتىنۋدى 300 ميلليگرامعا دەيىن شەكتەۋ تۋرالى كەڭەس بەردى. جۇمىرتقالاردان باسقا، بۇل زاتتىڭ كوپ بولىگى ەت، ىرىمشىك جانە ماي- ءسۇت ونىمدەرىندە بار.