باقىتتى ءومىر ءسۇرۋ ءۇشىن نە نارسەنى قۇپيا ساقتاعان ءجون؟

 نۇر - سۇلتان. قازاقپارات - سوزدەردىڭ بەلگىلى ءبىر قۋاتتى تاسىمالدايتىنى بارىنە ءمالىم. سول سەبەپتى بىردەڭەنى ىسكە اسىرماس بۇرىن قۋاتىڭىزدى بوس سوزگە جۇمساۋدى قويىڭىز.

ءبارى ءسىز ويلاعانداي بولۋ ءۇشىن نە نارسەنى قۇپيادا ۇستاۋ كەرەك. ءسىزدىڭ ءوز تاجىريبەڭىزدەن العان ساباعىڭىز تەك سىزگە تيەسىلى. ونى اركىمگە ءبىر ايتۋدىڭ قاجەتى شامالى. سەبەبى بۇل ءبىلىم وتە قىمبات. سونداي- اق، سۇراماعان جەردە اقىل ايتامىن دەپ جاعدايدى ۋشىقتىرىپ الۋىڭىز مۇمكىن.

بولاشاققا دەگەن جوسپار

كەز كەلگەن ىسكە اسپاعان جوسپار - جاي عانا جوسپار بولىپ قالماق. وزگەلەرگە نە نارسەنى قالايتىنىڭىزدى تەك سوعان قول جەتكىزگەن كەزدە عانا ايتىڭىز. وسىلايشا جوسپارىڭىزدىڭ كۇل- تالقانى شىقپايدى.

جەكە وقيعا

ءوزىڭىز تۋرالى كوپ اقپاراتتى ەلگە جاريا ەتپەڭىز. اسىرەسە، جاقسى تانىمايتىن ادامدارعا اشىلماعان ءجون. ولاردىڭ سىزگە قالاي قارايتىنى بەلگىسىز. وزگەلەردىڭ نەگاتيۆتى ويلارى سىزگە كەرى اسەرىن تيگىزۋى مۇمكىن.

وسەك

وسەك ايتپاڭىز. بىرەۋلەر ترۋرالى تەكسەرىلمەگەن جاعىمسىز اقپاراتتى باسقالارعا تاراتپاڭىز. بۇدان بارلىعى جاپا شەگىپ قالۋى مۇمكىن.

قايىرىمدىلىق

كىمگە نەمەن كومەكتەسكەنىڭىزدى وزگەلەرگە ايتپاڭىز. قايىرىمدىلىق - جوعارى باعالاناتىن ءىس- ارەكەت. ەگەر ءسىز ءار ىستەگەن جاقسىلىعىڭىز ءۇشىن ماقتانا بەرەتىن بولساڭىز، داڭدايسىپ كەتۋىڭىز عاجاپ ەمەس.

ماسەلەلەر

اركىمگە ءوز ساتسىزدىكتەرىڭىز جايلى بايانداۋدىڭ قاجەتى جوق. ول تەك ءسىز جانە ءسىزدى جاقسى كورەتىن جاندار ءۇشىن قىزىق بولۋى مۇمكىن. قالعاندارى ءسىزدىڭ ءوز جۇگىڭىزدى ولاردىڭ مويىندارىنا ارتىپ جاتقانىڭىزعا اشۋلانۋى ىقتيمال.

ءسىز ماسەلەلەرىڭىزدى ايتقان سايىن، ولاردىڭ سانى كوبەيەدى. سەبەبى قۋاتىڭىزدى تىعىرىقتان شىعۋدىڭ جولىن ىزدەۋگە ەمەس، ومىرگە نالىپ وتىرۋعا جۇمسايسىز.

جەكە ءومىر

ءسىزدىڭ ماحابباتىڭىز - ءسىز بەن ءسىز جاقسى كورەتىن جاننىڭ اراسىندا قالۋى كەرەك نارسە. ەگەر سىزگە كەڭەس قاجەت بولسا، وزىڭىزگە وتە جاقىن جاننىڭ كومەگىنە جۇگىنىڭىز. باسقالارى ماحاببات حيكاياڭىزعا قىزىعىپ، قىزعانۋى دا عاجاپ ەمەس.