قازاقستاندىق ءۇش بانك بىرىكتىرىلەدى
نۇر- سۇلتان. قازاقپارات - 31 - مامىردا قازاقستاندىق AsiaCredit Bank, Capital Bank Kazakhstan جانە Tengri Bank بانكتەرىنىڭ اكتسيونەرلەرى ءۇش قارجى ينستيتۋتىن بىرىكتىرۋ تۋرالى شەشىم قابىلدادى، دەپ حابارلايدى Tengri Bank ءتىڭ باسپا ءسوز قىزمەتى.
حابارلامادا اتالعان شەشىمنىڭ جوعارىدا اتالعان بانكتەردىڭ اكسيونەرلەرىنىڭ جالپى جينالىسىنىڭ بارىسىندا قابىلدانعانى ايتىلعان.
كەزدەسۋ بارىسىندا قارجى ينستيتۋتتارىنىڭ وكىلدەرى AsiaCredit Bank جانە Capital Bank Kazakhstan-دى Tengri Bank-كە قوسۋ ارقىلىق قايتا قۇرۋدى ماقۇلدادى.
«بىرىكتىرىلگەن بانكتەگى ءۇش بانكتىڭ اعىمداعى اكسيونەرلەرىنىڭ اكسيالارىن ايىرباستاۋ جانە قاتىسۋ ۇلەستەرىنىڭ كوەففيتسيەنتتەرىن بەكىتۋ ءۇش بانكتىڭ تازا اكتيۆتەرىنىڭ قۇنىن باعالاۋ ناتيجەسى بويىنشا حالىقارالىق قارجى كەڭەسشىلەرىنىڭ قورىتىندى ناتيجەلەرى بويىنشا 2019 -جىلدىڭ شىلدە ايىندا جوسپارلانىپ وتىر» ، - دەلىنەدى حابارلامادا.