تالدىقورعاندا تەرەزەدەن قۇلاعان بالا اۋرۋحانادان شىقتى

تالدىقورعان. قازاقپارات - تالدىقورعاندا ەكىنشى قاباتتىڭ تەرەزەسىنەن قۇلاعان كىشكەنتاي ارۋنا قۋانىش قىزى اۋرۋحانادان شىقتى، دەپ حابارلايدى قازاقپارات ءتىلشىسى.

«بۇگىن ارۋنا اۋرۋحانادان شىقتى. دەنساۋلىعى ءبارى جاقسى»، - دەدى وبلىستىق كوپسالالى بالالار اۋرۋحاناسىنىڭ باس دارىگەرى مارات دوسقاليەۆ.

ەستەرىڭىزگە سالا كەتەيىك، 15 -مامىر كۇنى تالدىقورعاندا مەكتەپ جانىنان اشىلعان شاعىن ورتالىقتىڭ ەكىنشى قاباتىنان 2 جاسقا ءالى تولماعان بالا قۇلاپ كەتكەن بولاتىن. ەكى كۇن كومادا جاتقان ءسابيدىڭ تەرەزەدەن قۇلاعان ءساتى بەينەباقىلاۋ كامەراسىنا جازىلىپ قالعان. ال بالانى تەرەزەگە ءوزى اپارىپ شىعارعان تاربيەشى ارتىنشا جۇمىستان شەتتەتىلدى.

وقيعا قالاداعى №19-مەكتەپ-گيمنازياسىندا بولعان. مەكتەپ ديرەكتورى قايرات سارقىتوۆتىڭ ايتۋىنشا، بالا شاعىن ورتالىققا ەكى كۇن بۇرىن عانا قابىلدانعان. ال تەرەزەدەن قۇلاعان قىزدىڭ اكەسى سول مەكتەپتە - دەنە تاربيەسىنىڭ، ال اناسى - باستاۋىش سىنىپ مۇعالىمدەرى.