قىزىلوردا تۇرمەسىندە سوتتالۋشى ۇيلەندى
قىزىلوردا. قازاقپارات - قىزىلوردادا ز ك-169/4 مەكەمەسىندە جازاسىن وتەپ جۇرگەن ازامات قالىڭدىعىمەن نەكەگە وتىردى، دەپ حابارلايدى قازاقپارات ءتىلشىسى.
قىزىلوردا وبلىسى قىلمىستىق- اتقارۋ جۇيەسى دەپارتامەنتى باسپا ءسوز قىزمەتىنىڭ حابارلاۋىنشا، ەكى جاس بۇرىننان ءبىر- بىرىمەن ءسوز بايلاسىپ جۇرگەن. دەگەنمەن س. ش ازامات اياق استىنان جول- كولىك وقيعاسىنا ۇشىراپ، 2 جىل 6 ايعا سوتتالىپ كەتكەن.
ونىڭ سۇيگەن قالىڭدىعى اتالمىش راسىمگە وراي اقتاۋ قالاسىنان ارنايى كەلدى. ەكەۋى تۇزەۋ مەكەمەسى زاڭگەرىنىڭ كومەگىمەن شيەلى اۋداندىق جۇمىسپەن قامتۋ، الەۋمەتتىك باعدارلامالار جانە ا ح ا ت بولىمىندە نەكەگە وتىرۋ تۋرالى ءوتىنىش تولتىرىپ، وزدەرىنىڭ نەكەلەرىن زاڭدى تۇردە قيدى. وسىلايشا ەكى جاس نەكە كۋالىگىن الدى.
«ءبىز ءومىرىمىزدىڭ قالعان بولىگىندە باقىتتى وتباسى قۇرۋدى ماقسات ەتەمىز. سانالى ۇرپاق تاربيەلەپ، تاتۋ- ءتاتتى عۇمىر كەشۋدى دۇرىس كورەمىز»، - دەيدى ولار.
اۆتور: ءادىلجان ۇمبەت