ادۆوكات ورالماندار قازاق تىلىندە جاۋاپ الا الماعاندا نە ىستەۋ كەرەگىن ايتتى
سول سەبەپتى ءىس قۇجاتتارىن تولتىرۋ كەزىندە قيىندىقتار تۋىندايدى. وسى ورايدا، ادۆوكات ءتىل تۋرالى زاڭداعى مىنا قاعيداتتاردى ۇمىتپاۋدى ەسكەرتتى، دەپ حابارلايدى حابار ارناسى.
ياعني ءوتىنىش، ارىز، سۇراۋ قاي تىلدە تۇسسە، سول تىلدە جاۋاپ بەرىلەدى. دەمەك ازامات قازاق تىلىندە جاۋاپ الۋى ءۇشىن، ەڭ الدىمەن، سۇراقتى قازاق تىلىندە قويۋى ءتيىس.
«مەن ورىس ءتىلىن بىلمەيمىن دەگەن سياقتى ماسەلەلەر تۋىنداپ جاتسا، ول ازامات سول مەكەمەنىڭ باسشىسىنا مىندەتتى تۇردە بارۋى كەرەك. سونداي- اق، ول مەكەمە باسشىسىنا ارىز تاستاپ كەتۋىنە بولادى. ياعني نارازىلىعى جازىلعان ارىز. ەگەر دە ماسەلە بۇدان كەيىن دە رەتتەلمەي جاتسا، مىندەتتى تۇردە شاعىمدانۋعا قۇقىعى بار» ، - دەيدى جاندوس تۇياقوۆ.
ءارى قاراي ول شاعىمدانۋشىنىڭ قولىندا دالەلى بولۋى كەرەكتىگىن ەسكەرتتى. مىسالى، شاعىمدانۋشىنىڭ قولىندا دالەلى بولۋى كەرەك. مىسالى، ول جازعان وتىنىشىنە باسقا تىلدە جاۋاپ السا، ءوزى جازعان ارىزبەن بىرگە باسقا تىلدەگى جاۋاپتىڭ كوشىرمەلەرىن تىركەپ، قۇقىق قورعاۋ ورگاندارىنا تاپسىرۋى ءتيىس. ال كورىنىس اۋىزشا بولسا، وقيعا كەزىندەگى كۋاگەرلەر تۋرالى دا اقپاراتتى قوسۋ قاجەت.
قازاق تىلىندە جاۋاپ الا الماعان جاعدايدا ونى دالەلدەۋ قيىنعا تۇسەدى. مۇندايدا تەلەفون ارقىلى ۆيدەوعا ءتۇسىرىپ، ونى قۇزىرلى ورگاندارعا جىبەرۋگە بولادى. ءبىراق، الدىمەن، ەسكەرتۋ قاجەت. بۇل ۆيدەو مالىمەتتەر ديسكىگە نەمەسە فلەشكىگە كوشىرىلۋى مىندەتتى. بۇدان كەيىنگى جۇمىستار پوليتسيا قۇزىرەتىندە بولادى.
«كوپ مەكەمە ءسىز بەينەتاسپاعا تۇسىرگەندە زاڭسىز دەپ ايىپتاپ جاتادى. ءبىراق ءسىز بەينەتاسپاعا تۇسىرەمىن دەپ ەسكەرتسەڭىز، سوتتا نەمەسە باسقا قۇزىرەتتى ورگانداردا وزدەرىڭىزدىڭ ۋاجدەرىڭىزدى دالەلدەۋ ءۇشىن سەپتىگىن تيگىزەدى» ، - دەيدى ادۆوكات.
الايدا ارىز بەرۋشىنىڭ اتى- ءجونى، تۇرعىلىقتى مەكەن- جايى، ج س ن ءنومىرى كورسەتىلمەسە، ول انونيم بولىپ ەسەپتەلەدى. مۇندايدا ءوتىنىش ەسكەرىلسە دە، قاراستىرىلمايدى. ويتكەنى كىمگە جاۋاپ جازۋ كەرەكتىگى بەلگىسىز بولىپ قالادى.