جاس عالىم وسىمدىكتى توپىراقسىز ءوسىرۋدى زەرتتەپ ءجۇر
جاس عالىم وسى جەردە وسىمدىكتى توپىراقسىز ءوسىرىپ، باپتاۋدى عىلىمي تۇرعىدا جەتىلدىرىپ زەرتتەيدى. العاشقى ناتيجە دە جامان ەمەس. سوڭعى تەحنولوگيامەن جابدىقتالعان جىلىجاي ونىمدەرىنە قالاداعى ءدامحانالاردان سۇرانىس جوعارى. سەبەبى بەلگىلى، ءونىم ەكولوگيالىق تازا، حيميالىق قوسپاسىز.
دياس تاستانبەكوۆ، جوبانىڭ نەگىزىن قالاۋشى:
- بۇل جوبادا ءبىز توپىراقسىز، پەستيتسيدسىز، ەكولوگيالىق تازا وسىمدىكتەردى وسىرەمىز. جانە وسى ۇدەرىستىڭ ءبارى اۆتوماتتاندىرىلعان. وسى جوبانىڭ ءتورت باعىتى بار. تەحنولوگيا نەگىزى - توپىراقسىز وسىرۋدە. ال بارلىق قاجەتتى قۇنارلى قورەكتىك زاتتار سۋ ارقىلى تىكەلەي تامىرعا بارادى. كۇن ساۋلەسى جەتكىلىكسىز نە مۇلدەم جوق بولسا، ارنايى فيتولامپا قولدانساڭىز بولادى.
بۇل ءادىس ەڭ باستىسى سۋدى ۇنەمدەۋگە مۇمكىندىك بەرەدى ءارى قالاداعى ۇيدە وتىرىپ، كوكشوپتەردى ءوسىرىپ، كۇندەلىكتى اسقا پايدالانۋعا بولادى. قازىر دياستىڭ جىلىجايىندا جۇپار ءيىستى بازيليك پەن رۋكولا كوكشوپتەرىنىڭ ءۇش ءتۇرى وسىرىلەدى.
دياس تاستانبەكوۆ، جوبانىڭ نەگىزىن قالاۋشى:
- قازىر بىزدە 80 كيلوگرامم دايىن تۇر. سونى ساتۋمەن اينالىسىپ ءجۇرمىن. تەك قانا تەمپەراتۋرا ىلعالدىلىق جانە سۋداعى قورەكتىك زات پەن PH دۇرىس بولسا وسە بەرەدى. سوندا ونى باسقا وسىمدىكپەن سالىستىرساق، وسىلاردى وسىرگەن وڭاي جانە ءتيىمدى. يننوۆاتسيالىق جوبا تەك كوك ءشوپ ءوسىرىپ، ساتۋدى كوزدەمەيدى. بۇدان بولەك وسى باعىتتا ەڭبەكتەنىپ جۇرگەن جاس عالىمدار توپىراقسىز ءونىم الۋعا قىزىعۋشىلىق تانىتقانداردى وقىتىپ، مەكتەپتەردە بيولوگيا سىنىپتارىن جوباعا ساي جابدىقتايدى.
دياس تاستانبەكوۆ، جوبانىڭ نەگىزىن قالاۋشى:
- 100 ەسىمگە كىرگەننەن كەيىن ول ارينە جاۋاپكەرشىلىك. نەسيە سياقتى. سول نەسيەنى اقتاعىم كەلەدى، ارينە. ول نەسيەنى اقتاۋ ءۇشىن عىلىم، مەكتەپتەرمەن، ءبىلىم بەرۋمەن اينالىسۋىم كەرەكپىن. ىستەگەن ءىسىمدى جۇزەگە اسىرا وسى 100 ەسىمگە كىرگەن نەسيەمدى اقتايمىن دەپ ويلايمىن. «بولاشاق» مەملەكەتتىك باعدارلاماسى ارقىلى ءبىلىمىن شەتەلدە جەتىلدىرىپ كەلگەن دياس تاستانبەكوۆتىڭ پرينتەردەن شىققان كەڭسە قاعازدارىنىڭ سياسىن كەتىرىپ، قايتا پايدالانۋ جوباسى دا عىلىمي ورتادا جوعارى باعاسىن الدى. جاڭا تەحنولوگياعا سۇرانىس بولسا جاس عالىم ونى قولدانىسقا ەنگىزۋگە دايىن. اۆتورلارى: گۇلجان كولەن قىزى، قانات قاماتايەۆ وسى كاتەگوريا بويىنشا: « ليتۆا جەرىندە سوتتالعان قازاقستاندىقتار جازاسىن ەلدە وتەۋى مۇمكىن مامىر ايىنىڭ سوڭىنا دەيىن 1300 وتباسى پاتەرمەن قامتاماسىز ەتىلەدى »
www.24.kz