قاسىم-جومارت توقايەۆتىڭ بارلىق شىعىندارى بويىنشا ەسەپ بەرەمىز - كانديداتتىڭ سەنىمدى وكىلى
«كۇنى كەشە عانا قاسىم- جومارت توقايەۆتى رەسمي تۇردە تىركەگەننەن كەيىن ءبىز حالىق بانكىندە كانديداتىمىزدىڭ ۋاقىتشا ەسەپشوتىن اشتىق. بارلىق سايلاۋالدى شارالار وسى ەسەپشوت ارقىلى تولەنەدى. وعان ەل ازاماتتارى، كاسىپكەرلەر مەن زاڭدى تۇلعالاردان اقشا تۇسەدى دەپ ويلايمىز. ارينە، پارتيا دا ءوز كومەگىن جاسايدى. بىزدە قاجەتتى رەسۋرستار مەن مۇمكىندىكتەر بار. سونىڭ ءبارىن پايدالانىپ، كەيبىر شىعىنداردى ءوز موينىمىزعا الامىز. ارتىنان ءبىز كانديداتتىڭ بارلىق شىعىندارى مەن وعان جۇمسالعان قاراجات بويىنشا اشىق ەسەپ بەرەمىز»، - دەدى م. اشىمبايەۆ جۋرناليستەرگە بەرگەن سۇحباتىندا.
ايتا كەتەيىك، ەلوردادا ق ر پرەزيدەنتتىگىنە كانديدات قاسىم- جومارت توقايەۆتىڭ رەسپۋبليكالىق قوعامدىق شتابى قۇرىلدى. بۇدان بولەك، ۇگىت- ناسيحات شارالارى كەزىندە قالالىق، وبلىستىق جانە اۋداندىق شتابتار جۇمىس ىستەيتىن بولادى. بۇگىن "Nur Otan" پارتياسى ءتوراعاسىنىڭ ورىنباسارى ماۋلەن اشىمبايەۆ رەسپۋبليكالىق شتابقا كىمدەردىڭ كىرگەنىن ايتىپ بەردى. شتاب الەۋمەتتىك جەلىلەرگە ۇلكەن باسىمدىق بەرەتىن بولادى. ال سايلاۋالدى ۇگىت- ناسيحاتقا شەتەل ماماندارى تارتىلمايدى.