مامىر مەرەكەلەرىندە نۇر-سۇلتان مەن الماتىعا تۋريستەر ءجيى كەلەدى

نۇر-سۇلتان. قازاقپارات - تۋرستات اناليتيكالىق اگەنتتىگى 2019-جىلدىڭ مامىر مەرەكەلەرىندە رەسەيلىك تۋريستەر ءجيى ساياحاتتايتىن تاۋەلسىز مەملەكەتتەر دوستاستىعى (ت م د) ەلدەرى قالالارىنىڭ رەيتينگىن ۇسىندى، دەپ حابارلايدى قازاقپارات.

رەسەيدە مامىرداعى مەرەكەلىك دەمالىستار 1-5- مامىر جانە 9-12- مامىر ارالىعىندا وتەدى.

مامىر مەرەكەلەرىندە ت م د ەلدەرىنە تۋرلار رەيتينگىسىندە ازەربايجانعا، بەلارۋسقا جانە قازاقستانعا تۋريستىك ساپار كوپ جاسالادى.

تۋريستەردىڭ مامىردا باراتىن ت م د قالالارىنىڭ ءبىرىنشى وندىعىنا ازەربايجانداعى باكۋ، بەلارۋستەگى مينسك، قازاقستانداعى نۇر-سۇلتان، ارمەنياداعى ەريەۆان، قازاقستانداعى الماتى، وزبەكستانداعى تاشكەنت، قىرعىزستانداعى بىشكەك، مولدوۆاداعى كيشينيەۆ، تاجىكستانداعى دۋشانبە جانە تۇركىمەنستانداعى اشحاباد كىرگەن.

تۋرستات دەرەگى بويىنشا، تۋريستەر ت م د قالالارىنا مامىردا 3-5 كۇنگە كەلىپ، كۇنىنە تاماقتانۋ مەن تۇراتىن ورىن ءۇشىن $60-$120 قارجى جۇمسايدى.

رەيتينگ مامىرداعى تۋرساپارلاردىڭ تانىمالدىعىنا جاسالعان تالدامانىڭ ناتيجەسى بويىنشا قۇراستىرىلدى.