ەلباسى: قازاقستان حالقى الەمدىك ساراپشىلاردىڭ دەسترۋكتيۆتى بولجامدارىن جوققا شىعاردى
بۇل تۋرالى ەلوردادا ءوتىپ جاتقان قازاقستان حالقى اسسامبلەياسىنىڭ XXVII سەسسياسىندا ق ر تۇڭعىش پرەزيدەنتى - ەلباسى، ق ح ا ءتوراعاسى نۇرسۇلتان نازاربايەۆ ءمالىم ەتتى، دەپ حابارلايدى قازاقپارات ءتىلشىسى.
«30 جىل بۇرىن عانا حالىقارالىق ساراپشىلار ورتالىق ازيا، ءبىزدىڭ قازاقستان دا - جاڭا قاقتىعىس وشاقتارىنا اينالاتىنىن بولجاعان ەدى. ولار ءبىزدىڭ وڭىردە قانتوگىستەر مەن كۇرەستەر ءجۇرىپ جاتادى دەپ ويلادى. ولار ەتنو جانە ءدىني سەنىم بويىنشا وزگەشەلىكتى العا تارتتى. وڭىردەگى مەملەكەتتەردىڭ بولاشاعى جوق ءارى تاريح تابانىندا قالادى دەپ سەنىمدى تۇردە بولجام جاسادى. ءبىراق، تاۋەلسىزدىك جىلدارى ءبىز - قازاقستان حالقى بۇل دەسترۋكتيۆتى بولجامداردىڭ ءبارىن جوققا شىعاردىق» ، - دەدى نۇرسۇلتان نازاربايەۆ.
ەلباسى ءوز سوزىندە قازاقستان حالقى ەكونوميكاسى مىعىم مەملەكەت قۇرعانىن ەسكە سالدى.
«ءبىز بىرلىكتىڭ، ىشكى ساياساتتاعى پراگماتيكالىق باعىتتىڭ ارقاسىندا تاريحتىڭ بارلىق قاقپانىن اينالىپ وتتىك، حالىقارالىق جوعارى دارەجەگە يە بولدىق. ىشكى ساياسي ىستەردى قۇرىپ جاتقان ءبىزدىڭ مودەل، ءبىزدىڭ ەلدەگى ۇلتارالىق قارىم- قاتىناس ۋاقىتتىڭ وزىمەن سىنالىپ، بۇگىنگى تاڭدا باسقالارعا ۇلگى بولىپ كەلەدى» ، - دەدى ەلباسى.
ەسكە سالا كەتسەك، ەلوردادا ق ر تۇڭعىش پرەزيدەنتى - ەلباسى، قازاقستان حالقى اسسامبلەياسىنىڭ ءتوراعاسى نۇرسۇلتان نازاربايەۆتىڭ توراعالىعىمەن قازاقستان حالقى اسسامبلەياسىنىڭ XXVII سەسسياسى ءوتىپ جاتىر.