الەمدىك قاۋىمداستىقتار سيريا تاريحىنىڭ قايعىلى پاراعىن جابۋى كەرەك
سيريا بويىنشا استانا پروتسەسىنىڭ سوڭىندا ق ر سىرتقى ىستەر ءبىرىنشى ۆيتسە-ءمينيسترى مۇحتار تىلەۋبەردى وسىلاي ءمالىم ەتتى، دەپ حابارلايدى قازاقپارات ءتىلشىسى.
«الەمدىك قاۋىمداستىقتار سيريا تاريحىنداعى قايعىلى پاراعىن جابۋى كەرەك. استانا پروتسەسىنە قوسىلعىسى كەلەتىن ءبىرقاتار ەلدەردىڭ تىلەگى - جاڭا امالدى پايدالانا وتىرىپ، ساياسي جانە گۋمانيتارلىق ماسەلەلەر بويىنشا داعدارىستى شەشۋگە ءبىر قادام قالعانىمىزدى كورسەتىپ وتىر. قازاقستان بارلىق ەلدەردى وسىناۋ ورتاق ماقساتقا جۇمىلىپ، استانا جانە جەنەۆا پروتسەسىنە قولداۋ بىلدىرۋگە، سيريا اراب رەسپۋبليكاسىنداعى زورلىق-زومبىلىق قاقتىعىستارىنا تەزىرەك نۇكتە قويۋعا كۇش سالۋعا شاقىرادى. وسى مۇمكىندىكتى پايدالانا وتىرىپ، ب ۇ ۇ-نىڭ سيريا بويىنشا جاڭا ۋاكىلى، حالىقارالىق دارەجەدەگى قۇرمەتتى ديپلومات گەەر پەدەرسونعا ساتتىلىك تىلەيمىن»، - دەدى ق ر سىرتقى ىستەر ءبىرىنشى ۆيتسە-ءمينيسترى مۇحتار تىلەۋبەردى.
ەسكە سالا كەتسەك، بۇگىن ەلوردادا سيريا بويىنشا استانا پروتسەسىنىڭ 12-راۋندى اياقتالدى.
كەلىسسوزدەردىڭ قورىتىندىسى بويىنشا كەپىلگەر ەلدەر - يران، رەسەي مەن تۇركيا بىرلەسكەن مالىمدەمە جاسادى. كەپىلگەر ەلدەر سيرياعا گۋمانيتارلىق كومەكتى ارتتىرۋعا شاقىرىپ وتىر.
