ەڭ پايدالى سۋسىندار

None
None
 نۇر-سۇلتان. قازاقپارات - ءبىزدىڭ اعزامىزدىڭ 70 پايىزدى سۇيىق زاتتاردان تۇراتىنى بەلگىلى. اعزاداعى دۇرىس تۇز-سۋ اينالىمى -  مىقتى دەنساۋلىقتىڭ كەپىلى.

عالىمداردىڭ پايىمىنشا، تومەندەگى سۋسىندار ادام اعزاسىنداعى قارتايۋ پروتسەسىن تەجەپ، اعزانىڭ يممۋنيەتىن ارتتىرادى. ەسىمىزدە ءجۇرسىن!

1. انار شىرىنى

انار جەمىسى فوسفور، كالتسي، تەمىر، ماگنيي، كاليي ەلەمەنتتەرىنە باي. جۇرەك-قان تامىرلارى، جۇيكە جۇيەسىنىڭ جۇمىسىن جاقسارتۋعا كومەگى مول. بۋىندارىمىزعا دا پايداسى بار ەكەن. سونداي- اق، شاش، تىرناق، تەرىگە دە اسەرى شاش ەتەكتەن.

2. الما شىرىنى

باۋىر، بۇيرەك، ءزار شىعارۋ جولارىنداعى سىرقاتتار جانە اتەروسكلەروزدا كومەگى زور. سونداي-اق، اسقازان جۇمىسىن جاقسارتادى، زات اينالىمى قالدىقتارىنىڭ سىرتقا شىعۋىنا كومەكتەسەدى.

3. اپەلسين شىرىنى

ءبىر كەزدەرى بۇل جەمىستى «ولمەيتىن الما» دەپ اتاعان ەكەن. بۇل دا بۇيرەك، ءزار جولدارىنا پايدالى. ادامدى جاسارتادى- مىس.

4. كوك شاي

بۇل ءشايدىڭ پايداسى ءالىمساقتا- اق دالەلدەنىپ ۇلگەردى. 1 شىنى كوك ءشاي ىشسەڭىز، 80 كالوريا جوعالتادى ەكەنسىز. مايلى تاعامداردى جەگەننەن كەيىن كوك ءشايدان جۇتىپ- جۇتىپ جىبەرسەڭىز، اعزاڭىزدى ارتىق مايمەن اۋرە قىلمايتىن بولاسىز.

5. قۇرعاق قىزىل شاراپ

گرەكتەر بۇل سۋسىندى تاماقپەن بىرگە قولدانادى ەكەن. نەگە؟ ويتكەنى، ول تاعامنىڭ قورىتىلۋ پروتسەسىن باياۋلاتىپ، ادام تەز تويىپ قالادى. ۇيدەگىلەر «تەز قورىتىلادى، جەڭسىك اس» دەپ ماقتاپ وتىرادى كەي تاعام تۇرلەرىن... گرەكتەردى تۇسىنبەدىم... سونداي-اق، اتالعان سۋسىننىڭ قان تامىرلارىنا دا وڭ اسەرى بار ەكەن.

6. ليمون شىرىنى

بۇل شىرىن سارى اۋرۋ، جۇرەكتەگى اۋىتقۋلار، وكپە اۋرۋى، ريەۆماتيزمگە ەم. سونداي- اق، جارالاردىڭ دا تەز بىتۋىنە كومەگى بار. ليمون شىرىنىن سۋعا ەزىپ، ءسال-ءپال قانت پەن بال قوسىپ ءىشىڭىز.

7. ءسابىز شىرىنى

شىرىننىڭ بۇل ءتۇرىن بەينە ءبىر «دارۋمەندەر شوعىرى» دەرسىڭ... ا، ۆ، س، D، ە، ك. بۇل شىرىن اس قورىتۋدى جاقسارتادى، اسقازان جارالارىنا پايداسى زور. سونداي- اق، يممۋنيتەتتى ارتىرىپ، تابەتتى اشادى. تىستەردىڭ قاتايۋىنا كومەكتەسىپ، كوزدىڭ كورۋىن جاقسارتادى. ءبىراق، مۇنى تىم كوپ قولدانۋعا دا بولمايدى. ويتكەنى، ونىڭ قۇرامىندا ا دارۋمەنى كوپ بولعاندىقتان، گيپەرۆيتامينوزعا شالدىقتىرۋى مۇمكىن.

8. كاركادە

كاركادە ءشايى -  گيبيسكۋس گۇلدەرىنەن دايىندالاتىن قىزىل ءتۇستى سۋسىن. بۇل اعزانى شلاكتاردان، توكسيندەردەن تازارتىپ، مەتابوليزم پروتسەسىن جاقسارتادى.

9. قايناتىلعان شوپتەر

بۇل اعزاداعى ميكروەلەمەنتتەر جەتىسپەۋشىلىگىنىڭ ورنىن تولتىرادى. ولاردىڭ بىرنەشە تۇرلەرى بار: اس قورىتۋدى جاقسارتۋعا ارنالعان، زات اينالىمىن جاقسارتۋعا ارنالعان، ارتىق سۇيىقتىقتى شىعارۋعا ارنالعان، ت. س. س. مۇنداي قايناتپالاردى قابىلدار الدىندا دارىگەرمەن كەڭەسىپ العان ءجون.

10. ايران

مەن ءوز باسىم ايراندى سۋسىن دەپ ەمەس، تاماق دەپ قابىلدايمىن. مەنىڭ تاماعىم - وسى. ايران - كالتسيگە وتە باي. ال، ەگەر سالماق تۇسىرەمىن دەسەڭىز - وندا ايىنا 1 رەت قانا ايران ءىشىڭىز.

 

دەرەككوز: Reactor

 

سوڭعى جاڭالىقتار