ناعىز ەر ازاماتتىڭ قانداي ءۇش ارەكەتىن كەشىرۋگە بولمايدى؟

None
None
 نۇر-سۇلتان. قازاقپارات - ومىردە ماحاببات بۋىنا ماسايىپ، عاشىعىنىڭ بارلىق قاتەلىكتەرىن دە كەشىرە بەرەتىن جاندار بار.

الايدا ماماندار ەر ادام ايەلىن باقىتسىز ەتسە، وعان كەشىرىممەن قاراۋدىڭ قاجەتى جوق سانايدى. وسى ورايدا gurutest.ru سايتى كۇيەۋىڭىزگە كەشىرۋگە بولمايتىن ءۇش ادەتتى نازارىڭىزعا ۇسىنداى دەپ جازادى KAZ. NUR. KZ.

كۇيەۋىڭىز ءسىزدى سوققىعا جىقسا، ءسىزدى سۇيەدى دەگەن ءسوز ەمەس. ءوزىن-ءوزى سىيلايتىن ەركەك ەشقاشان ايەلگە قول كوتەرمەيدى. ۇيدەگى زورلىق-زومبىلىققا جول بەرمەيدى. ول ءسىزدىڭ ءوز ويى مەن پىكىرى بار، وزدىگىمەن شەشىم قابىلداۋعا لايىق جان ەكەنىڭىزدى ەسكەرەدى.

بىردەڭە بولا قالسا جۇدىرىق الا جونەلەتىن ەر ادامدار دۇرىس قارىم-قاتىناس قۇرا المايتىن ەپسىزدەر. ونداي ادامعا ءوز-وزىنە سەنىمسىز، ءوز پىكىرى جوق، ونىڭ ايتقانىنان ارىگە بارا المايتىن قورقاق جان كەرەك.

ىشىمدىككە دەگەن قۇمارلىق

ەگەر كۇيەۋىڭىز دەمالىس كۇندەرى دوستارىمەن ىشىمدىك ىشسە، مۇندا تۇرعان ەشتەڭە جوق. الايدا ەگەر ول شولمەكتى بارىنەن دە ماڭىزدى كورسە، دابىل قاعۋعا تۋرا كەلەدى. مۇنداي ەركەكتىڭ ءىس-ارەكەتتەرىنە كەشىرىممەن قاراۋدىڭ قاجەتى جوق.

ەگەر ول ماس كۇيىندە سىزگە ءتىل تيگىزىپ، ماڭىزدى كۇندەردى ۇمىتىپ، ىشىمدىك ءۇشىن جۇمىستان قالسا، ءوز بولاشاعىڭىز ءۇشىن الاڭداعانىڭىز ابزال.

سەبەبى مۇنداي ادامنىڭ جانىندا ءسىز پسيحولوگيالىق تۇرعىدا جاپا شەگەسىز. كوپ ۇزاماي تاماققا اقشا جەتۋ ءۇشىن كۇيەۋىڭىزدەن قاراجاتتى تىعىپ ۇستايتىن بولاسىز.

وپاسىزدىق

ايەل ادامدار كۇيەۋلەرىنىڭ وپاسىزدىعىن كەشىرۋگە بەيىم كەلەدى. سەبەبى ولار ەرلەرىنىڭ ساتقىندىعىن وزدەرىنەن كورىپ ۇيرەنىپ كەتكەن. الايدا ەكىنشى جارتىڭىز جالىنىپ، كەشىرىم سۇراعان كۇننىڭ وزىندە ونى كەشىرۋدىڭ قاجەتى شامالى.

سەبەبى ول ۇنەمى ءسىزدىڭ كوزىڭىزگە ءشوپ سالىپ، جانىڭىزدى قايتا-قايتا جارالايتىن بولادى. ەركەكتىڭ ءوز قاجەتتىلىكتەرى ول ءۇشىن ءبىرىنشى ورىندا، ال ءسىز ەكىنشى كەزەكتەسىز.

سوندىقتان ساتقىندىقتىڭ سالدارىنان كوز جاسىڭىزدى توگىپ، ءوزىڭىزدى باقىتسىز سەزىنگىڭىز كەلمەسە، ءبىرىنشى وپاسىزدىقتان كەيىن كەتىپ قالعانىڭىز دۇرىس.

كۇيەۋىڭىزدى قاتتى جاقسى كورىپ تۇرساڭىز دا، ونىڭ بارلىق ءىس-ارەكەتتەرىنە كەشىرىممەن قاراۋعا بولمايدى.

سوڭعى جاڭالىقتار